देशात ३ लाखांहून अधिक अभियंत्यांची मागणी वाढणार, नोकऱ्यांमध्ये आयटी नव्हे ‘या’ क्षेत्रांचा दबदबा असणार

0
333

मुंबई, दि. २८(पीसीबी) – एका रिपोर्टनुसार, या बदलांमुळे येत्या तीन ते चार वर्षांत देशात ३ लाखांहून अधिक अभियांत्रिकी नोकऱ्या निर्माण होतील. या नोकऱ्या विमान वाहतूक, ऑटोमोबाईल, टायर, पार्ट मेकिंग आणि इलेक्ट्रिकल क्षेत्रात येतील

मेक इन इंडियाचा प्रभाव आणि भारतीय अर्थव्यवस्थेची ताकद यामुळे जगभरातील आघाडीच्या मल्टी नॅशनल कंपन्याआता भारतात त्यांचे प्लांट उभारण्याच्या तयारीत आहेत. टेस्लासह अनेक जागतिक कंपन्या या संदर्भात वेळोवेळी आपले मनसुबे व्यक्त करीत असतात. भारताच्या प्रगतीच्या रथावर स्वार होऊन या कंपन्यांना दक्षिण आशियाई बाजारपेठांमध्येही मजबूत पकड निर्माण करायची आहे. आतापर्यंत आयटी आणि सेवा क्षेत्राशी संबंधित बहुतेक काम भारतात येत होते. पण आता अनेक कंपन्यांनी त्यांचे संशोधन, डिझाईन आणि अभियांत्रिकी संबंधित काम भारतात पाठवायला सुरुवात केली आहे. त्यामुळे देशातील अभियंत्यांनी या संधीचा लाभ घेण्यासाठी सज्ज राहायला हवे.

एका रिपोर्टनुसार, या बदलांमुळे येत्या तीन ते चार वर्षांत देशात ३ लाखांहून अधिक अभियांत्रिकी नोकऱ्या निर्माण होतील. या नोकऱ्या विमान वाहतूक, ऑटोमोबाईल, टायर, पार्ट मेकिंग आणि इलेक्ट्रिकल क्षेत्रात येतील. अभियंत्यांच्या मागणीत सुमारे ४० टक्के वाढ होणार आहे. टियर २ आणि ३ शहरातील अभियांत्रिकी महाविद्यालयातूनही फ्रेशर्स उचलले जातील.

ग्रीन ट्रान्सपोर्ट पर्यायांच्या मागणीचा फायदा
देशात हरित वाहतुकीचे पर्याय वाढवण्यासाठी सरकारकडून अनेक प्रयत्न केले जात आहेत. यामध्ये डिझेल वाहनांऐवजी इलेक्ट्रिक वाहनांना प्रोत्साहन देणे, सौरऊर्जेला चालना देणे, इंधनात इथेनॉल आणि बायोगॅस मिसळणे इत्यादींचा समावेश आहे. त्यामुळे पाच वर्षांत हरित ऊर्जा क्षेत्राशी संबंधित नोकऱ्या सहज उपलब्ध होतील.

आयटी नव्हे, तर नोकऱ्या ‘या’ क्षेत्रात असतील
मल्टी नॅशनल कंपन्यांनी भारतात त्यांच्या उत्पादन केंद्रांचा विस्तार करण्यास सुरुवात केली आहे. त्यामुळे नोकऱ्या जाण्याची दाट शक्यता आहे. विशेष म्हणजे यातील बहुतांश नोकऱ्या आयटी क्षेत्राऐवजी मेकॅनिकल, इलेक्ट्रिकल आणि इलेक्ट्रॉनिक्स इंजिनीअर्ससाठी असतील. उत्पादन क्षेत्रच या नवीन नोकऱ्या निर्माण करेल.

ऑटोमोबाईल आणि हार्डवेअरमध्ये अधिक संधी
तज्ज्ञांच्या मते, मर्सिडीज बेंझ, बॉश, मिशेलिन, एबीबी, बोईंग, एअरबस, रेनॉल्ट, फोक्सवॅगन ग्रुप, स्नाइडर इलेक्ट्रिक, जॉन डीअर, कॅटरपिलर, कॉन्टिनेंटल आणि कॉलिन्स एरोस्पेस या कंपन्या भारतात जोरदारपणे काम करतील. मात्र, नवीन तंत्रज्ञान आणि ऑटोमेशन युवकांच्या नोकऱ्यांच्या मार्गात अडथळे ठरत आहेत. पण उत्पादन क्षेत्राचे हे बदलते चित्र खूपच उत्साहवर्धक आहे. बॅटरी व्यवस्थापन आणि हार्डवेअर क्षेत्रातही अनेक नोकऱ्या निर्माण होतील.