नागपूर, दि. ३१ (पीसीबी) : राष्ट्रीय स्वयंसेवक संघाच्या समन्वयक बैठकीला आजपासून सुरुवात होणार आहे. आजपासून तीन दिवस राष्ट्रीय स्वयंसेवक संघ (आरएसएस) चे हे विचारमंथन सत्र आयोजित करण्यात आले आहे. या राष्ट्रीय स्वयंसेवक संघाच्या स्वयंसेवकांनी सुरू केलेल्या आणि चालवलेल्या संस्था संघटनांचे प्रतिनिधी यावेळी समन्वयावर चर्चा करणार आहेत. या बैठकीला राष्ट्रीय स्वयंसेवक संघाचे प्रमुख मोहन भागवत, भाजपचे राष्ट्रीय अध्यक्ष जे. पी. नड्डा, बी एल संतोष उपस्थित असणार आहेत.
राष्ट्रीय स्वयंसेवक संघाची समन्वयक बैठक केरळमधील पलक्कड या ठिकाणी होणार आहे. या बैठकीला एकूण 320 जण उपस्थित असणार आहे. यात 32 संस्थांचे प्रतिनिधी, 230 विविध संस्था – संघटनांचे कार्यकर्ते, संघाचे 90 कार्यकर्त्यांचा समावेश आहे. त्यासोबतच या बैठकीला राष्ट्रीय स्वयंसेवक संघाचे प्रमुख मोहन भागवत, भाजपचे राष्ट्रीय अध्यक्ष जे. पी. नड्डा, बी एल संतोष, सरकार्यवाह दत्तात्रेय होसाबळे यांच्यासह सहा सहसरकार्यवाह आणि सर्व कार्य विभागांचे प्रमुख हजर राहणार आहेत.
राष्ट्रीय स्वयंसेवक संघाच्या समन्वयक बैठकीला नुकतीच सुरुवात झाली आहे. यंदा संघाला १०० वर्षे पूर्ण होणार आहेत. त्यानिमित्ताने पाच विषय समाजात नेण्याचे उद्दिष्ट संघाने ठरवलं आहे. त्यावर चर्चा होणार आहे. पंचपरिवर्तन या मुद्द्यावर या बैठकीत चर्चा केली जाणार आहे.
पंचपरिवर्तनातील मुद्दे
समरसता, कुटुंब प्रबोधन, पर्यावरण समस्या , स्वतंत्र नागरी कर्तव्ये
या बैठकीला विविध संस्था – संघटनांचे अध्यक्ष आणि संघटन मंत्री बैठकीला हजर राहणार आहेत. संघाने ठरवलेल्या विषयांना समाजात नेण्याविषयी योजना आणि कार्यक्रमावर यावेळी चर्चा होणार आहे. तसेच चालू घडामोडींवरही चर्चा केली जाणार आहे. यावेळी विविध संस्था, संघटना त्यांनी केलेल्या कामाविषयी निवेदन करणार आहेत.
RSS च्या बैठकीत या मुद्द्यांवर चर्चा होण्याची शक्यता
1. बांगलादेशातील हिंदूंची स्थिती, विस्थापन आणि पुनर्वसन.
2. महिलांवरील वाढत्या क्रूरतेचे आणि हिंसाचाराचे प्रतिबिंब.
3. जातीच्या जनगणनेचे प्रतिबिंब आणि त्याचा हिंदू समाजावर होणारा परिणाम.
4. गेल्या लोकसभा निवडणुकीत विखुरलेल्या दलित मतदारांना भाजपच्या गोटात परत आणण्याबाबत चर्चा होण्याची शक्यता.
5. लोकसभा निवडणुकांमधून शिकणे, आगामी विधानसभा निवडणुकीत चांगला समन्वय कसा ठेवायचा?
6. UCC लागू करण्याची योजना, उत्तराखंडमध्ये इतर भाजप शासित राज्यांमध्ये लागू केली जाणार आहे.
7. आगामी विजय दशमीपासून सुरू होणाऱ्या संघाच्या शताब्दी वर्षानिमित्त चालविण्यात येणाऱ्या विविध कार्यक्रमांवर चर्चा.
8. भाजपमध्ये संघटनात्मक निवडणुका आणि अध्यक्ष निवडीबाबत चर्चा
9. संघाची कार्य विस्तार योजना आदिवासी आणि ग्रामीण भागात बनवता येईल.
10. केंद्र सरकारच्या विविध मंत्रालयांद्वारे राबविण्यात येत असलेल्या योजनांच्या केंद्राशी संलग्न संस्थांसोबत अधिक चांगल्या समन्वयावर चर्चा
11. नवीन पेन्शन व्यवस्थेबाबत भारतीय मजदूर संघासारख्या संघाच्या इतर काही संलग्न संघटनांशी समन्वय निर्माण करणे.
