नवी दिल्ली दि. १० (पीसीबी) : अदानी समूहाच्या अडचणीत घट होण्याची सध्या चिन्हे दिसत नाही. निर्देशांक प्रदाता ग्लोबल इन्व्हेस्टेबल मार्केट इंडेक्सने अदानी समूहाच्या चार कंपन्यांवर कारवाई करत समभागांची फ्री फ्लोट स्थिती कमी केली आहे. त्यामुळे निर्देशांकातील त्यांचे वजन कमी होऊ शकते, असे विश्लेषकांचे म्हणणे आहे. वृत्त एजन्सी रॉयटर्सच्या वृत्तानुसार एमएससीआयने अदानी समूहाची प्रमुख कंपनी अदानी एंटरप्रायझेस, अदानी टोटल गॅस, अदानी ट्रान्समिशन आणि एसीसी यांच्या फ्री फ्लोट स्थितीत सुधारणा केली आहे, असे एका निवेदनात म्हटले. हा बदल १ मार्चपासून लागू होईल.
याशिवाय समूहातील उर्वरित कंपन्यांचे फ्री फ्लोट तसेच कायम राहतील. लक्षात घ्या की अदानी समूहाच्या आठ कंपन्यांचा एमएससीआय इंडेक्समध्ये समावेश आहे.लक्षणीय आहे की ज्या चार कंपन्यांचे फ्री फ्लोट कमी करण्यात आले आहे त्यांचे ३० जानेवारीपर्यंत MSCI इमर्जिंग मार्केट इंडेक्समध्ये ०.४% चे एकत्रित वजन होते. नवीन नित्य १ मार्चपासून लागू होणार आहेत. याशिवाय MSCI अदानी समूहाच्या फ्री फ्लोटचा आढावा घेणार असल्याचे वृत्त समोर आल्यावर समूह कंपन्यांच्या शेअर्समध्ये जोरदार घसरण झाली. गुरुवारी, समूहाची प्रमुख कंपनी अदानी एंटरप्रायझेसचे शेअर्स सुमारे १५ टक्क्यांनी घसरले.तर समूहातील १० पैकी नऊ कंपन्यांचे स्टॉक्स तोट्यात बंद झाले. तसेच हिंडेनबर्ग रिसर्चचा अहवाल समोर आल्यापासून अब्जाधीश गौतम अदानींच्या ७ सूचिबद्ध कंपन्यांचे मार्केट कॅप $११० अब्जने कमी झाले आहे.
काही बाजारातील गुंतवणूकदारांनी काही निर्देशांकांमध्ये अदानी समूहाच्या समभागांचा समावेश करण्याच्या योग्यतेवर प्रश्नचिन्ह उपस्थित केले आहे आणि त्यांच्या फ्री फ्लोट स्थितीचे पुनरावलोकन केले जाईल, असे MSCI ने म्हटले. अदानी समूहाच्या आठ कंपन्यांचा एमएससीआय निर्देशांकात समावेश असून यामध्ये अदानी एंटरप्रायझेस, अदानी पोर्ट्स, अदानी टोटल गॅस, अदानी ग्रीन, अदानी ट्रान्समिशन, अदानी पॉवर, अंबुजा आणि एसीसी कंपन्यांचा समावेश आहे. कोणत्याही सूचीबद्ध कंपनीसाठी त्याच्या किमान २५% शेअरहोल्डिंग लोकांकडे असणे आवश्यक आहे.
