– झारखंडचे आमदार छत्तीसगड राज्यात रवाना
नवी दिल्ली, दि. २७ (पीसीबी) : महाराष्ट्र आणि बिहार नंतर आत झारखंडमध्येही राजकीय घडामोडींना वेग आला आहे. झारखंडचे आमदार छत्तीसगडची राजधानी रायपूरला रवाना झाल्याची माहिती समोर आली आहे. मुख्यमंत्र्यांच्या निवासस्थानातील बैठक संपल्यानंतर मुख्यमंत्री हेमंत सोरेन आपल्या आमदारांना 3 बसमधून रवाना झाले आहे. सर्व आमदारांना सुरक्षित रिसॉर्टमध्ये हलवण्यात आले आहे. यासोबतच सर्व आमदारांचे फोनही बंद करण्यात आले आहेत. याआधी आमदारांना छत्तीसगडला हलवले जाईल अशी अटकळ होती. प्रत्यक्षात आमदार सभेला हजर राहण्यासाठी आले असता त्यांच्या वाहनांमध्ये बॅगा व इतर वस्तूही दिसल्या. दरम्यान, `ऑपरेशन लोटस` मुळे भाजपा विरोधकांमध्ये मोठी धाकधुक वाढली आहे.
निवडणूक आयोगाने सीएम सोरेन यांच्या विधानसभेच्या सदस्यत्वाबाबत राज्यपाल रमेश बैस यांच्याकडे शिफारस पाठवली होती. त्यात काय आहे, ते पूर्णपणे समोर आलेले नाही, कारण राजभवनातून कोणतीही माहिती समोर आली नाही, मात्र आयोगाने सोरेन यांची आमदारकी रद्द करण्याची शिफारस केल्याचे मानले जात आहे. यामुळे थेट त्यांच्या मुख्यमंत्री पदाच्या खुर्चीलाच धोका निर्माण झाला आहे.
मुख्यमंत्री हेमंत सोरेन यांचे विधानसभेचे सदस्यत्व कायम राहणार की जाणार यावरून राज्यात गोंधळ सुरू आहे. यूपीएच्या सर्व आमदारांना एकत्र ठेवण्यासाठी त्यांना राज्याबाहेर हलवले जात आहे. त्यासाठी मुख्यमंत्री निवासस्थानी बैठक बोलावण्यात आली होती. आमदारकी सोडल्यानंतर सीएम सोरेन यांना राज्यपाल रमेश बैस यांनी पदाचा राजीनामा देण्यास सांगितले होते.
त्यानंतर सोरेन यांनी शुक्रवारी ट्विट केले होते की, आम्ही खुर्चीसाठी भुकेले नाही, आम्हाला फक्त लोककल्याणासाठी घटनात्मक व्यवस्थेसोबत चालायचे आहे.” आज यूपीएच्या सर्व आमदारांना सीएम हाऊसमध्ये बोलावण्यात आले होते, ज्यामध्ये अनेक खासदारही सहभागी झाले होते. सीएम सोरेनही मागच्या गेटवरून सभेला पोहोचले.
दरम्यान, सभेला हजर राहण्यासाठी आलेल्या काँग्रेस आमदार दीपिका पांडे यांच्या गाडीची डिकी उघडण्यात आली तेव्हा त्यात सुटकेससह खाण्यापिण्याचे बरेच साहित्य होते, त्यामुळे ही माहिती प्रसारमाध्यमांसमोर आली. त्यासोबतच इतर आमदारही सुटकेस घेऊन आले. आमदारांना घेऊन जाण्यासाठी तीन लक्झरी बसही आल्या होत्या, ज्या आमदारांना घेऊन सीएम हाउसमधून निघाल्या होत्या. आमदार बसंत सोरेन हे हेमंत सोरेन यांचे बंधू यांच्या नेतृत्वाखाली आहेत. तसेच पोलीस बंदोबस्त आहे. बहुमताच्या आकड्यांनुसार राज्यपाल जेएमएम पक्षाला सरकार स्थापनेसाठी आमंत्रित करू शकतात.
