पिंपरी,दि.03 (पीसीबी)
स्वयंघोषित दोन भाईंनी नागरिकांना शिवीगाळ करत एकाला मारहाण केली. त्यानंतर एका महिलेला मारहाण केली. कोयता हवेत फिरवून दहशत निर्माण केली. ही घटना ३१ डिसेंबर रोजी रात्री नाणेकरचाळ पिंपरी येथे घडली.
रवी धारासिंग राजपूत (वय ३५, रा. नाणेकरचाळ, पिंपरी) यांनी याप्रकरणी पिंपरी पोलीस ठाण्यात फिर्याद दिली आहे. त्यानुसार सिद्धार्थ राजू वाघमारे (वय २१, रा. नाणेकरचाळ, पिंपरी), अमन शेख यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी राजपूत, त्यांचा भाऊ आणि मित्र नाणेकरचाळ येथील एका गोडाऊन मध्ये बसले होते. त्यावेळी आरोपी तिथे आले. त्यांनी गोडाऊनच्या दरवाजावर लाथा मारून शिवीगाळ केली. राजपूत यांनी दरवाजा उघडला असता आरोपींनी त्यांना मारहाण नकली. आम्ही इथले भाई आहोत, असे म्हणत कोयता हवेत फिरवून दहशत निर्माण केली. राजपूत यांच्या आईला आरोपींनी मारहाण केली. पोलिसांनी सिद्धार्थ वाघमारे याला अटक केली आहे. पिंपरी पोलीस तपास करीत आहेत.
