मुंबई, दि. 30 (पीसीबी) : महाराष्ट्राच्या राजकारणातील पॉवरफुल कुटुंब म्हणून पवार घराकडे पाहिलं जातं. पण अजित पवारांनी बाहेर पडत भाजपसोबत जात सत्तेत जाण्याचा निर्णय घेतला. पवार कुटुंबात फुट पडल्यानंतर लोकसभा निवणुकीमध्ये सुप्रिया सुळे यांनी विजय मिळवला होता. आता विधानसभा निवडणुकीमध्ये पुन्हा एकदा दोन्ही आमनेसामे आले आहेत. शरद पवार यांनी युगेंद्र पवारांना मैदानात उतरवलं आहे. निवडणुकीच्या आखाड्यात घरच्या मैदानावर अजित पवारांविरोधात युगेंद्र पवार असले तरी खरा सामना शरद पवार आणि अजित पवारांमध्ये असणार आहे. आता प्रचारतोफा गरम झाल्या असून शरद पवार यांनी आपल्या सभेत थेट अजित पवार यांची नक्कल केली होता. शरद पवारांचा हा व्हिडीओ सोश मीडियावर तुफान व्हायरल होत आहे. अशातच यावर एबीपी माझाच्या कार्यक्रमात अजित पवारांनी यावर आपली प्रतिक्रिया दिली आहे.
मी शरद पवारांनी केलेली नक्कल पाहिली नाही, सांगली जिल्ह्यातील दोन मतदारसंघात होतो. पण मला कानावर आलं, तो त्यांचा अधिकार आहे त्याबद्दल मी फार काही बोलणार आहे. पवारसाहेबांना महाराष्ट्र, भारत देश पाहतो. त्या नेत्याने मुलाप्रमाणे असणाऱ्या, ज्याने रात्रीचा दिवस करून साहेबांना बाहेर जाऊ दिलं, सगळा मतदारसंघ मी सांभाळला. तो त्यांचा अधिकार पण साहेबांनी नक्कल अनेकांना आवडलेलं नाही, एकवेळ दुसरं कोणी युगेंद्रने केली असती तरी चाललं असतं. साहेबांनी नक्कल करणं कोणालाही आवडलेलं नाही. मी रूमाल काढला नव्हता त्यांनी काढला होता, माझ्या आई-वडिलांच नाव घेतल्यावर भावनिक झालो. पण मी लगेचच थोडा थांबलो आणि विषय बदलला, माणूस आहे भावना असतात, मन असतं, त्यामुळे कोणी सारखंच कठोर असतं असं होत नाही. इतके दिवस वाटायचं राज ठाकरे नक्कल करतात पण आता दुसरं माणूस डोळ्यासमोर आलं. मला मनाला वेदना झाल्या, साहेबांना मी दैवत मानलं आणि त्यांनी माझी नक्कल करावी, असं म्हणत अजित पवारांनी खंत व्यक्त केली.
उपमुख्यमंत्री केलं अनेक पद दिलीत, सुप्रियाला एकही पद दिले नाही अन् तिनेही कधी मागितलं नाही. सगळे अधिकार दिले, माझं फक्त लक्ष शिक्षण आणि शेतीकडे होतं. इतक्या वर्षात इतक्या वर्षात ही स्थिती का? घर फोडण्याचं पाप माझ्या आई-वडिलांनी, भावांनी कधी शिकवलं नाही. माझे सर्व भाऊ माझ्यावर प्रेम करत होते. मी कधी संसार पाहिला नाही, राजकारण करत बसल्याचं शरद पवार आपल्या भाषणात म्हणाले होते.
