पुणे, दि. २९ – वेदश्री तपोवन कार्य समितीसह सहयोगी संस्थांतर्फे श्रीमद् भगवद्गीता जयंती निमित्त तीन दिवसीय गीता जयंती महोत्सवाला आज पासुन आळंदीत सुरुवात झाली. आळंदी मोशी येथील वेदश्री तपोवन येथे दि. २९, ३० नोव्हेंबर आणि १ डिसेंबर रोजी हा महोत्सव होत आहे. या महोत्सवाचे यजमान पुण्याचे प्रसिद्ध उद्योजक आणि महर्षि वेदव्यास प्रतिष्ठानचे ट्रस्टी श्री अभय सुरेशकुमार भुतडा हे आहेत.
आज महोत्सवाच्या पहिल्या दिवशी दि.२९ नोव्हेंबर रोजी सकाळी ९ वाजता ब्रह्मचारी हनुमान चैतन्य महाराज यांच्या हस्ते ध्वजारोहण करण्यात आले. यावेळी श्रीराम जन्मभूमि न्यास अयोध्या चे कोषाध्यक्ष प.पू. स्वामी गोविंददेव गिरि महाराज, कार्यक्रमाचे यजमान श्री अभय भुतडा, तसेच इतर मान्यवर उपस्थित होते. त्या नंतर सकाळी ११ वाजता उद्घाटन सोहळा पार पड़ला. तसेच अयोध्येत नुक़त्याच राम मंदिराच्या शिखरावर पंतप्रधान नरेंद्र मोदी यांच्या हस्ते ध्वजारोहण झलेल्या कार्यक्रमात उपस्थित राहिल्याबद्दल स्वामी गोविंद गिरी महाराजांचा श्री अभय भुतड़ा यांच्या हस्ते सम्मान करण्यात आला.
या कार्यक्रमाला सावित्रीबाई फुले पुणे विद्यापीठाचे कुलगुरू डॉ. सुरेश गोसावी आणि आळंदीचे ह.भ.प. डॉ. नारायण महाराज जाधव हे उपस्थित होते.
या प्रसंगी बोलताना प.पू. स्वामी गोविंददेव गिरि महाराज, श्रीराम जन्मभूमि न्यास अयोध्या कोषाध्यक्ष म्हणाले, “ संत ज्ञानेश्वरांच्या पवित्र भूमिवर इंद्रायणीच्या तीरावर, आपण हा गीता जयंती महोत्सव आयोजित केला आहे आणि आज या कार्यक्रमाचे भव्य उद्घाटन होत आहे. वेदश्री तपोवनचा हा सर्वात मोठा वार्षिक महोत्सव व्हावा यासाठी आम्ही गतवर्षापासून हा महोत्सव सुरू केला आहे. संत ज्ञानेश्वर म्हणतात, भगवत गीता ही वेदांचे छोटे रूप अहे. गीता आपल्याला जीवन कसे जगावे हे सांगते.
राष्ट्र निर्माणासाठी अधिकाधिक तरुणांनी आपली संस्कृती आणि परंपरा जपणे आवश्यक आहे. आपली परंपरा आणि धर्माचे रक्षण करण्यासाठी आपल्याला आपला समाज निर्माण करावा लागेल आणि आपले गतवैभव परत मिळवावे लागेल. आपली संस्कृती आणि गौरव परत मिळवण्यासाठी आपल्याला गीता आणि छत्रपती शिवाजी महाराज या दोन गोष्टींचे अनुसरण करावे लागेल.
जगात शांति आणि समृद्धी तेव्हाच होईल जेव्हा भारत मजबूत होईल. सर्व समाजाने एकत्र येउन राष्ट्रनिर्मिति साठी प्रयत्न करावेत. मला सर्वांना आवाहन करायचे आहे की आता राष्ट्र निर्माण आणि भारत देशाला जगात सर्वश्रेष्ठ करण्यासाठी आपले काम आपण सर्वानी सुरु ठेवावे.”
तसेच या प्रसंगी गीता परिवारातर्फे पुणे जिल्हा स्तरावर शालेय विद्यार्थ्यांसाठी विविध स्पर्धेतील विजेत्यांना पारितोषिके स्वामी गोविन्द गिरी जी महाराज,आणि श्री अभय भुतड़ा, कार्यक्रमाचे यजमान आणि ट्रस्टी महर्षि वेद व्यास प्रतिष्ठान यांच्या हस्ते प्रदान करण्यात आले.
सायंकाळी वारकरी साधक सन्मान आणि ह.भ.प. डॉ. यशोधन महाराज साखरे यांचे कीर्तन झाले आणि दिवसाची सांगता झाली
