विदेश,दि.१७(पीसीबी) – यूकेच्या प्रयोगशाळेत तयार केलेल्या डासांच्या माध्यमातून आता डेंग्यू तसेच मलेरियासारख्या धोकादायक आजारांना दूर करता येणार आहे. यूएस अब्जाधीश बिल गेट्स म्हणाले की, यूके बायोटेक कंपनी ऑक्सिटेकने रोग वाहून नेणाऱ्या डासांशी स्पर्धा करू शकणारा ‘सुपर मॉस्किटो’ विकसित केला आहे. याद्वारे जगातून मलेरियाचे उच्चाटन होऊ शकते.
एका वृत्तपत्राच्या बातमीनुसार, मलेरियामुळे दरवर्षी 6 लाख लोकांचा मृत्यू होतो. Oxitec ने तयार केलेले डास सर्व नर आहेत. या डासांचे वैशिष्ट्य म्हणजे त्यांच्यामध्ये एक विशेष प्रकारचे जनुक असते, जे मादी डासांना जास्त काळ जिवंत ठेवण्यापासून रोखते. सुपर नर डास जेव्हा मादी डासांशी संग करतात, तेव्हा ते त्यांच्यामध्ये जीन्स ट्रान्सफर करतात, ज्यामुळे मादी डासांचा नाश होतो.
मलेरिया मादी डासांमुळे पसरतो –
बिल गेट्स यांनी सांगितले की, फक्त मादी डासच माणसांना चावतात. त्यांच्यामुळेच मलेरिया होतो. तर नर डास मानवी रक्त पित नाही किंवा मलेरिया पसरवत नाहीत. मलेरिया नष्ट करण्याच्या योजनेबाबत ते म्हणतात की, सुपर मच्छरांमुळे जगात नर डासांची संख्या वाढेल, तर मादी डासांची संख्या कमी होऊ लागेल. अशा प्रकारे हळूहळू मलेरिया जगातून नाहीसा होईल.
Oxitec च्या संशोधनात असे दिसून आले आहे की सुपर नर डास पर्यावरण आणि मानव दोघांनाही धोका देत नाहीत. बिल गेट्स यांनी सांगितले की, आतापर्यंत जगभरात एक अब्ज नर डास सोडण्यात आले आहेत. यामुळे कोणताही नकारात्मक परिणाम दिसून आलेला नाही.
डास सोडण्याचे नियोजन कुठे केले जात आहे?
ब्राझीलमध्ये सुपर डासांमुळे डेंग्यूचा ताप दूर होण्यास मदत होत आहे. पुढील वर्षी, हे डास पूर्व आफ्रिकेतील जिबूतीमध्ये सोडले जातील, जिथे अलीकडच्या काळात मलेरियाचे रुग्ण वाढले आहेत. जिबूतीमध्ये मलेरियाची लागण झालेल्या लोकांची संख्या 7 टक्के आहे. इथिओपिया, सुदान, सोमालिया, केनिया, नायजेरिया आणि घाना यांसारख्या आफ्रिकन देशांमध्ये 120 दशलक्षाहून अधिक लोकसंख्या असलेल्या देशात डास सोडले जातील.
