श्रींचे वैभवी रूपदर्शनास भाविकांची मंदिरात गर्दी
स्वामी महाराज मठात लक्षवेधी गणेशवतार
आळंदी ( अर्जुन मेदनकर ) : श्री संत ज्ञानेश्वर महाराज संजीवन समाधीवर गुढी पाडव्या निमित्त प्रथा परंपरांचे पालन करीत संस्थान तर्फे चंदन उटीतून श्री गिरिजात्मक ( श्रीक्षेत्र लेण्याद्री ) श्री’चे गणेशावतारातील वैभवी रूप साकारण्यात आले. श्री नरसिव्ह सरस्वती स्वामीमहाराज मठात श्रींचे पुजारी सुधीर गांधी परिवार तर्फे परंपरेने श्रीचे वैभवी गणेश अवतार रूप परिश्रम पूर्वक साकारण्यात आले. श्रींचे गणेशावर वैभवी रूप पाहण्यासह दर्शनास भाविक नागरिकांनी आळंदीत मंदिरांत गुढी पाडव्या निमित्त गर्दी केली होती.
माऊली मंदिरातील प्रथा परंपरांचे पालन करीत चैत्र महिन्यात गुढी पाडव्या पासून श्रीचे संजीवन समाधीवर चंदन उटी लेप लावण्यास प्रारंभ होत असतो .चैत्र महिन्यातील पहिली चंदन उटी गुढी पाडव्यास श्रीचे संजीवन समाधीवर आकर्षक वस्त्रालंकार वापरून श्रीचे वैभवी गणेशावतार रूप चंदन उटी तून साकारले. यासाठी संस्थानचे वतीने सेवा रुजू करण्यात आली. परंपरेने माउली मंदिरात पहाटे पवमान अभिषेख पूजा प्रमुख विश्वस्त निरंजन नाथसाहेब यांचे हस्ते झाली. गुढी पाडव्या निमित्त मंदिरात विश्वस्त विधीतज्ज्ञ राजेंद उमाप, पालखी सोहळा प्रमुख डॉ. भावार्थ देखणे, व्यवस्थापक माऊली वीर, तुकाराम माने आदी मान्यवर उपस्थित होते.
येथील गोपाळपुरातील वैभव असलेले श्री विठ्ठल रुख्मिणी मंदिरातील श्री नरसिव्ह सरस्वती स्वामी महाराज यांचे संजीवन समाधी वर देखील श्रीक्षेत्रोपाध्ये माजी नगराध्यक्ष सुरेश गांधी, माजी नगरसेवक सुधीर गांधी आणि नितीन गांधी परिवाराने श्री नरसिव्ह सरस्वती स्वामी महाराज मंदिरात परिश्रम पूर्वक गणेश अवतार श्रींचे संजीवन समाधीवर रूप चंदन उटीचे माध्यमातून लक्षवेधी रूप साकारण्यात आले. गुढी पाडव्या निमित्त माऊली मंदिरात आकर्षक पुष्प सजावट करण्यात आली होती. या लक्षवेधी सजावटीचे तसेच रंगावली हि लक्षवेधी साकारण्यात आली होती. दर्शनास भाविकांनी गर्दी केले.
आळंदी मंदिरात गुढी पाडव्या निमित्त श्रीना पवमान अभिषेक पूजा झाली. यावेळी चोपदार बाळासाहेब रणदिवे, राजाभाऊ रंधवे, तुकाराम माने. सेवक, पुजारी उपस्थित होते. परंपरेने श्रीचे चोपदार यांनी गुढी पुजन केले. वारकरी शिक्षण संस्थे तर्फे कीर्तन सेवा रुजू करण्यात आली. दरम्यान मंदिरात पहाटे घंटानाद, काकडा, भाविकांच्या महापूजा, महिमन्पुजा ,श्रीना दुधारती, धुपारती आदी धार्मिक कार्यक्रम मोठ्या उत्साहात झाले. अक्कलकोट चे मालक रथोत्सव मिहिरवणूक विद्युत रोषणाई रथातून हरिनाम गजरात झाली.
सुधीर गांधी परिवार श्रींचे पुजारी यांनी परिश्रम पूर्वक श्री नरसिंह सरस्वती स्वामी महाराज यांचे समाधीवर चंदन उटी साकारली.भाविकांनी श्रींचे मंदिरात दर्शनासह श्रींचे उटी तील वैभवी रूप पाहण्यास गर्दी केली. दरवर्षी गुढीपाडवा ते मृग नक्षत्र चालू होई पर्यंत श्री ज्ञानेश्वर महाराज संजीवन समाधी मंदिरात तसेच श्री नरसिंह सरस्वती स्वामींना चंदन उटीचा लेप लावण्यात येतो. या दरम्यान गुढीपाडवा, श्रीराम नवमी, श्री नृसिंह जयंती, अक्षय तृतीया व एकादशी निमित्त दशावतार पोशाख साकारण्यात येतात.
पहिली चंदन उटी गुढी पाडव्या निमित्त श्री स्वामींना श्रीगणेशाचे रूप साकारण्यात आले. उटी साठी माजी नगरसेवक श्रींचेपुजारी सुधीर नरहर गांधी, विलासकाका गांधी, कौस्तुभ सुरेश गांधी, गजानन ज्ञानेश्वर गांधी, किरण वासुदेव गांधी, योगेश सुरेश गांधी, मनिष मुकुंद गांधी, कैवल्य गजानन गांधी, कु श्रीहरी कौस्तुभ गांधी यांनी परिश्रम पूर्वक स्वामी महाराज मठात उटी साकारली.
आळंदी मंदिरात भाविक, नागरिक, साधक यांनी श्रीचे दर्शनास गर्दी केली. मुख्य व्यवस्थापक ज्ञानेश्वर वीर यांनी संस्थांनच्या प्रथा प्रमाणे मंदिरात पाडव्याचे धार्मिक महत्व ओळखून नियोजन केले. शहरात ठीकठीकांनी रंगावलीसह घराघरांवर गुढी उभारण्यात आली. अनेक ठिकाणी नवीन उपक्रमांचे आयोजन झाले. नव्या दुचाकी तसेच चारचाकी गाड्यांची मंदिरा लगत पूजा उत्साहात युवक तरुणांनी केली. हिंदू नव वर्षांचे स्वागत अनेक युवक-तरुणांनी नवे संकल्प करीत केले. वाहतूक पोलीस विभागाने मात्र मंदिर लगत भाविकांच्या दुचाकी उचलीत कारवाई केल्याने भाविकांनी नाराजी व्यक्त केली. पार्किंग ची प्रभावी पणे आळंदीत पार्किंग ची मोठ्या प्रमाणात वसुली होत असल्याने भाविक, नागरिकांनी नाराजी व्यक्त केली.
अलंकापुरीत श्री रामजन्मोत्सवास परंपरेने प्रारंभ
येथील इंद्रायणी नदी घाट परिसरातील वैभवी आवेकर-भावे श्री रामचंद्र संस्थानचे श्री राम मंदिरात श्री रामजन्मोत्सवास प्रथा परंपरांचे पालन करीत राम नवमी पासून वार्षिक उत्सवास सुरुवात झाली. या निमित्त गुढी पाडवा ते राम नवमी ( ३० मार्च ते ६ एप्रिल ) या कालावधीत विविध धार्मिक कार्यक्रम होत आहेत. यात नारदीय कीर्तन सेवा उत्सव काळात रोज संध्याकाळी कीर्तन भूषण ज्ञानेश्वरबुवा कपलाने यांची परंपरेने होत आहे. या प्रसंगी श्याम गोऱ्हाणे ( तबला ), नाना पांढरे ( हार्मोनियम ) साथ देणार असल्याचे विश्वस्त नरहरी महाराज चौधरी यांनी सांगितले. उत्सवात पहिल्या दिवशी डॉ. परिमल फडके यांचे सहकारी यांनी भरतनाट्यम सादर केले. पंढरीनाथ महाराज रोकडे आणि ज्ञानेश्वरी रोकडे यांनी अभंगवाणी आणि भावगीत सादरीकरण केले. उत्सवात गीत, नृत्य, भजन, गीत रामायण,भजन संध्या, कथा-कथन, श्रीचे जन्मोत्सवाचे कीर्तन आदी धार्मिक उपक्रम राबविले जात आहेत. राम नवमी निमित्त श्री राम पालखी नगर प्रदक्षीण होत आहे. संस्थानचे पंच मंडळाचे वतीने भाविकांना उपस्थित रहाण्याचे आवाहन प्रमुख विश्वस्त संजय आवेकर यांनी केले आहे. आळंदीसह परिसरात घरोघरी गुढी उभी करीत नागरिकांनी परंपरेने गुढी पाडवा सण धार्मिक पावित्र्य जोपासत उत्साहात साजरा केला.
