दि.८(पीसीबी) – राज्यात मराठा आरक्षणावर रान पेटले आहे. एकिकडे मंत्री छगन भुजबळ यांनी आक्रमक भूमिका राज्य सरकारविरोधात न्यायालयात जाण्याचा इशारा दिल आहे तर जरांगे यांनी पुन्हा आक्रमक भूमिका मांडली आले. जीआरमध्ये काही बदल केल्यास 1994च्या 16 टक्के आरक्षणाच्या जीआरसह, 50 टक्क्यावरील 2 टक्के आरक्षणाला चॅलेंज करू जरांगेंनी दिली आहे.
पत्रकार परिषद घेत पुन्हा जरांगे अॅक्टीव्ह मो़डवर आले आहेत. येत्या दसरा मेळाव्याला सरकारला कळेल. हैदराबाद गॅझेटियरप्रमाणे प्रमाणपत्र द्या अन्यथा येत्या दसरा मेळाव्यास भूमिका जाहीर करावी लागेल.’ असे जरांगेंनी यावेळी म्हटले आहे. तसेच, मराठवाडा मुक्तिसंग्राम दिनापर्यंत, 17 सप्टेंबरपर्यंत जात आणि त्याच्याबरोबर पडताळणी प्रमाणपत्र देण्याची कार्यवाही व्हावी, अशी प्रमुख मागणीदेखील त्यांनी केली आहे.
‘हैदराबाद गॅझेटियरप्रमाणे प्रमाणपत्र देण्यास सुरू करा. मनुष्यबळ द्या, अन्यथा नवीलाजाने वेगळा निर्णय घ्यावा लागेल. नेत्यांना आम्ही फिरू देणार नाही. सरकारच्या चुकांमुळे आम्हाला अडचण येऊ नये. हैदराबाद गॅझेटियरप्रमाणे प्रमाणपत्र द्या म्हणताच बरेच जण पागल झाले. अभ्यासक ही पागल झाले. विजय आणि पराजय पचवता आला पाहिजे. आणखी मोठा आनंद व्यक्त करू. काही लोक बिथरल्यासारखे झाले आहेत. हैदराबाद गॅझेटियरप्रमाणे प्रमाणपत्र द्या अन्यथा येत्या दसरा मेळाव्यास भूमिका जाहीर करावी लागेल.
या दसऱ्या मेळाव्याला ज्यांना यायचं आहे ते या. राधाकृष्ण विखे असतील, उपमुख्यमंत्री आणि मुख्यमंत्री फडणवीस हे मराठ्यांचा अपमान करणार नाहीत. १०० मराठे जिंकले आहेत. आपला विजय बऱ्याच लोकांना पचला नाही. जीआरमध्ये काही चूक झाली असेल तर ती सरकारने बदलायला हवी. आम्हाला बाकी काही माहीत नाही. जर थोड इकडे तिकडे केले येवला येथील एकाचे ऐकून तर लक्षात ठेवा १९९४ चा देखील जीआर आम्ही रद्द करण्यासाठी न्यायालयात जाऊ.
