मुंबई, दि.25 (पीसीबी) – सेवा विकास बँकेच्या सुमारे 500 कोटी रुपये घोटाळा प्रकरणात ईडी ची माहिती आरोपीला पुरविणाऱ्या दोघासह पिंपरीतील एका दलालावर कारवाई करण्यात आली आहे.
बँक फसवणूक प्रकरणातील गोपनीय दस्तऐवज आणि स्टेटमेंट या प्रकरणातील आरोपींच्या कर्मचार्‍यांना लीक केल्याप्रकरणी अंमलबजावणी संचालनालयाने (ईडी) मुंबईतील दोन कंत्राटी कर्मचारी आणि एका खाजगी व्यक्तीला अटक केली.
ईडी अधिकाऱ्यांना गोपनीय कागदपत्रे लीक झाल्याची माहिती मिळाल्यावर गुन्हा दाखल करण्यात आला. त्यानंतरच्या तपासात एजन्सीच्या दोन कार्यालयीन सहाय्यकांची भूमिका उघड झाली.
या सहाय्यकांनी मनी लाँड्रिंग प्रकरणातील मुख्य आरोपी अमर मुळचांदणीच्या ड्रायव्हरकडे कागदपत्रे लीक केली होती. ड्रायव्हरने प्रत्येक कागदपत्र आणि स्टेटमेंटसाठी दोघांना 15,000 ते 50,000 रुपये दिले.
हे प्रकरण पुणेस्थित सेवा विकास सहकारी बँकेतील 500 कोटी रुपयांच्या फसवणुकीशी संबंधित आहे. माजी अध्यक्ष अमर मुलचंदानी यांच्या चालकाने दोन कार्यालयीन सहाय्यकांना लाच देऊन त्यांच्याकडून गोपनीय कागदपत्रे घेतली.
तिघांना अटक करून कोठडी सुनावण्यात आली आहे.
