“टपका रे टपका एक और टपका, तीन मे से एक गया दो ये मटका.. हे गाणं डीजे वर वाजवत पुण्यात गँगवॉर नगरसेवक वनराज आंदेकर खून प्रकरणातील आरोपी गणेश कोमकरच्या मुलाची हत्या करण्यात आल्याचे समोर आले आहे. शहरातील नाना पेठ परिसरात ही घटना घडली आहे. या घटनेत गणेश कोमकरचा मुलगा गोविंद कोमकरवर 3 गोळ्या झाडण्यात आल्या. तसेच धारधार कोयत्याने वार ही करण्यात आले यात गोविंदचा मृत्यू झाल्याची माहिती पोलिसांनी दिली आहे.
वर्षभरापूर्वी वनराज आंदेकर यांची हत्या झाली होती. या प्रकरणात गणेश कोमकरचा हात असल्याचे समोर आले होते. त्यानंतर आता गणेशचा मुलगा गोविंद यांची गोळ्या घालून हत्या करण्यात आली आहे. त्यामुळे पुण्यात कायदा आणि सुव्यवस्थेचा मुद्दा उपस्थित झाला आहे. या घटनेमुळे नाना पेठ परिसरात भीतीचे वातावरण पसरले आहे.
या घटनेनंतर पोलिसांनी तातडीने घटनास्थळी धाव घेत तपासकार्य सुरु केले आहे. गणपती विसर्जनाच्या पूर्वसंध्येला ही घटना घडली आहे. कारण सध्या शहरात पोलिसांचा मोठा फौजफाटा तैणात करण्यात आला आहे, कडक सुरक्षा व्यवस्था असतानाही ही घटना घडली आहे
पुणे महापालिकेच्या 2017 च्या निवडणुकीमध्ये वनराज आंदेकर राष्ट्रवादी काँग्रेस पक्षाकडून नगरसेवक म्हणून निवडून आसले होते. वनराज आंदेकर यांच्या आई राजश्री आंदेकर या 2007 आणि 2012 च्या महापालिका निवडणुकीमध्ये नगरसेविका होत्या. त्यासोबतच वनराज आंदेकर यांचे चुलते उदयकांत आंदेकर हेसुद्धा नगरसेवक राहिले होते.वनराज आंदेकरांवर हल्ला करण्याआधी त्या परिसरातील लाईट घालवण्यात आली होती. त्यानंतर दुचाकीवर आलेल्या तीन ते चार जणांनी ते एकटे असल्याचे पाहून हल्ला केला होता वनराज यांच्यावर आधी कोयत्याने वार केले होते आणि त्यानंतर गोळीबार केला. वनराज आंदेकर रक्ताच्या थारोळ्यात पडले असताना तिथून हल्लेखोरांनी पळ काढला होता यानंतर वनराज यांचा मृत्यू झाला होता. त्याच खुनाचा बदला घेण्यासाठी हल्लेखोरांनी गोविंद वर हल्ला केल्याचं निष्पन्न झालं आहे.
