पिंपळे सौदागर, दि. १९ (पीसीबी) – रविवार दि.१८ डिसेंबर २०२२ रोजी पिंपळे सौदागर येथील कै.बाळासाहेब कुंजीर क्रीडांगण याठिकाणी यशदा रियालिटी ग्रुप ,नगरसेवक शत्रुघ्न काटे युथ फाउंडेशन आणि किशान स्पोर्ट्स इंडिया प्रा.लि. यांच्या संयुक्त विद्यमाने आयोजित “पिंपरी चिंचवड हाल्फ मॅरेथॉन २०२२” ही स्पर्धा यशस्वीपणे पार पडली. पहाटे ५.०० वा. गुलाबी थंडीत पिंपरी चिंचवड करांनी मोठया संख्येने उपस्थित राहून ही मॅरेथॉन स्पर्धा यशस्वी केली. कै बाळासाहेब कुंजीर क्रीडांगण पासून सुरु झालेली ही मॅरेथॉन BRTS मार्ग शिवार चौक , कोकणे चौक , PK चौक , गोविंद यशदा चौक , सुदर्शन चौक , नाशिकफाटा मार्गे पुन्हा फिरून याच मार्गे कै बाळासाहेब कुंजीर क्रीडांगणावर या मरेथॉनचे समापन झाले. या स्पर्धेमध्ये ५ किमी , १० किमी आणि २१ किमी या तिन्ही ग्रुप कॅटेगरीमध्ये राज्यातील अनेक जिल्ह्यामधील साधारण ३५०० मॅरेथॉनपटूनी सहभाग घेतला होता. लहानग्यांपासून ते वयोवृद्धापर्यंत सर्व जण मनसोक्त धावले.
या स्पर्धेमध्ये २१ किमी गट (पुरुष) किरण गांढूळे , अनुराग कोनकर , अंकुश गुप्ता आणि (महिला) ऐश्वर्या खलाडकर , समीक्षा खरे , शर्मिला कदम यांनी अनुक्रमे प्रथम , द्वितीय आणी तृतीय क्रमांक पटकावले .
या स्पर्धेमध्ये १० किमी गट (पुरुष) अभिषेक देवकाते , प्रधान किरुळकर , मनोज मूंड आणि (महिला) ज्योती चव्हाण , प्रियांका चवारकर , वृषाली उत्तेकर यांनी अनुक्रमे प्रथम , द्वितीय आणी तृतीय क्रमांक पटकावले.
या स्पर्धेमध्ये ०५ किमी गट (पुरुष) अजय क्षीरसागर , प्रणव पाटील , मोहिते यादव आणि (महिला) विनया मालुसरे , गायत्री चौधरी , शेख इस्माईल यांनी अनुक्रमे प्रथम , द्वितीय आणी तृतीय क्रमांक पटकावले.
यावेळी धावपटूचा उत्साह वाढावा म्हणून जागोजागी ढोल वाजवून त्यांचे स्वागत केले जात होते. स्पर्धेदरम्यान चार ठिकाणी एनर्जी स्टेशन उभे करण्यात आले होते आणि तिथून स्पर्धकांना पाणी, एनर्जी ड्रिंक व फळे पुरविण्यात आले. स्पर्धेदरम्यान रूग्णवाहिकाही तैनात करण्यात आली होती . स्पर्धेसाठी साधारण १०० स्वयंसेवक उपस्थित होते.
परंतु यावर्षीच्या मरेथॉनमध्ये सर्वांचे लक्ष वेधले ते कु.जय या अंध मुलाने ५ किमी गटात त्याने धावत स्पर्धा पुर्ण केली आणि सर्वांचे मन जिंकले. आयोजकांकडून कु.जयला सन्मानित करण्यात आले.
यावेळी आयोजक श्री.शत्रुघ्न काटे ,श्री.वसंत काटे ,श्री.शंतणू प्रभुणे ,श्री.किरण काकुलथे , श्री सुखदेव सिंग तसेच प्रमुख पाहुणे म्हणून अतिरिक्त आयुक्त माननीय श्री.प्रदीप जांभळे पाटील , मा. नगरसेवक श्री.चंद्रकांत अण्णा नखाते ,श्री.मोरेश्वर शेडगे , श्री संदिप कस्पटे ,श्री.शशिकांत अप्पा कदम ,श्री.प्रभाकर वाघेरे , श्री.जयनाथ काटे ,श्री.भानुदास काटेपाटील श्री.प्रकाश झिंजुर्डे , श्री. बाळासाहेब काटे ,श्री.विजय अण्णा भिसे ,श्री.धनु ढोरे,श्री. कौस्तुभ राडकर , कविताजी रेड्डी , श्री.कैलास कुंजीर , श्री. संजयशेठ भिसे,सौ. कुंदाताई भिसे, श्री. रोहिदास गवारे , श्री. विजय काटे, श्री.सागर काटे, श्री.संदेश काटे पाटील, श्री रमेश काटे , श्री राहुल काटे ,श्री. प्रविण कुंजीर , श्री बाळकृष्ण परघळे, श्री.दिपक गांगुर्डे , श्री शंकर चोंधे , रेडिओ जॉकी आर जे तरुण , श्री. राजू शेलार, श्री. गिरीष रोहिडा व इतर मान्यवर उपस्थित होते.
या कार्यक्रमाचे सूत्रसंचालन शिव छत्रपती क्रीडा पुरस्कार विजेती अपर्णाजी प्रभुदेसाई आणि श्री.सागर बिरारी यांनी केले .
