पिंपरी चिंचवड शहराला विधान परिषदेवर संधी मिळावी म्हणून शहरातील राष्ट्रवादी काँग्रेसच्या कार्यकर्त्यांनी आग्रही मागणी केली आहे. पक्ष कार्यालयात बैठक घेऊन योग्य त्या कार्यकर्त्याला संधी मिळावी अशी शिफारस सर्वांनी मिळून उपमुख्यमंत्री अजित पवार यांच्याकडे पत्राद्वारे केली आहे. भाजपने शहरात उमा खापरे आणि अमत गोरखे यांना विधान परिषदेवर आमदार केले मात्र, आजवर राष्ट्रवादीतून कोणालाही संधी मिळालेली नाही, अशी खंत यावेळी व्यक्त करण्यात आली. दरम्यान, उमेदवारीसाठी पक्षाचे शहराधयक्ष योगेश बहल आणि माजी शहराध्यक्ष नाना काटे यांच्या नावाची चर्चा सुरू आहे.
राज्यातील विधान परिषद निवडणूक २७ मार्च रोजी होणार आहे. १० ते १७ मार्च दरम्यान नामनिर्देशन पत्र भरण्याची मुदत आहे. पिंपरी चिंचवड शहराला प्रतिनिधित्व मिळण्यासाठी सदर बैठकीत विषय घेण्यात आला. आगामी स्थानिक स्वराज्य संस्था निवडणुका लक्षात घेता शहरात पक्षाला अधिकची ताकद मिळण्यासाठी विधानपरिषदेच्या माध्यमातून संधी मिळावी, अशी बैठकीत चर्चा करण्यात आली.
उपमुख्यमंत्री अजित पवार यांच्या प्रमुख उपस्थितीत १६ जुलै २०२४ रोजी पुणे येथील सर्किट हाऊस येथे शहरातील आजी-माजी नगरसेवक – नगरसेविका यांच्या एकत्रित बैठकी आयोजित केली होती. त्यावेळी संधी देण्याचे आश्वासन खुद्द अजितदादांनी दिले होते.आजी माजी नगरसेवक, नगरसेविका, पदाधिकारी उपस्थित होते. सन १९८७ ते २०२२ पर्यंतचे सर्व पदाधिकारी उपस्थित होते. या बैठकीमध्ये सर्वांची एक मुखी मागणी होती की, आगामी विधान परिषद निवडणुकीमध्ये शहरामधून योग्य त्या कार्यकर्त्याला आपण संधी द्यावी तसेच विविध महामंडळ अध्यक्ष तसेच राज्य सदस्य या पदांच्या माध्यमातून अधिकची संधी मिळावी, असा ठराव करण्यात आला.
शहर कार्याध्यक्ष फजल शेख यांनी आजच्या बैठकीत प्रस्ताव मांडला. अनुमोदन महिला अध्यक्ष कविता आल्हाट व सामाजिक न्याय विभाग अध्यक्ष संजय औसरमल यांनी त्याला अनुमोदन दिले.
यावेळी महिला अध्यक्ष कविता आल्हाट, कार्याध्यक्ष फजल शेख, शेखर काटे, वर्षा जगताप, चेतन दुधाळ, ज्ञानेश्वर कांबळे, सचिन आवटे, विजय लोखंडे, संजय औसरमल, बन्सी पारडे, शांती सेन, अकबर मुल्ला, महेश झपके, गंगा धेंडे, कविता खराडे, ज्योती गोफने, संगीता कोकणे, बाबुराव शितोळे, डॅनियल दळवी, राजेंद्र सिंग वालिया, निर्मला माने, बाळासाहेब चौधरी, मनीष शेडगे, कुमार कांबळे, बाळासाहेब पिल्लेवार, प्रशांत महाजन, यश बोथ, शुभदा पवार, मेहक इनामदार, मनीषा गटकळ, सुनीता अडसूळ, सविता धुमाळ, आशा मराठे, माधवी सोनार, मिरा कदम, सपना कदम, रिजवाना सय्यद, वर्षा शेडगे, लता सोनवणे, तिरमलर कवडे, धनाजी तांबे, विजय दळवी, राजू चांदणे, अंकुश बाबर, सुनील अडागळे, जियाउद्दीन नागुर इत्यादींसह अनेक पदाधिकारी, कार्यकर्ते उपस्थित होते.
