दि . १७ ( पीसीबी ) – इंटरनेटवर उपलब्ध असलेल्या माहितीनुसार, पंतप्रधान नरेंद्र मोदी यांचा जन्म 17 सप्टेंबर1950 साली गुजरातमध्ये झाला. त्यांचा जन्म अभिजात मुहूर्तावर दुपारी 12 वाजून 09 मिनिटांनी झाला. पंतप्रधान मोदींची जन्मकुंडली वृश्चिक राशीची आहे. त्यांच्या लग्नात चंद्र आणि मंगळ, चौथ्या घरात गुरु, पाचव्या घरात राहू, दहाव्या घरात शुक्र आणि शनि आणि अकराव्या घरात सूर्य, बुध आणि केतू स्थित आहेत.
पंतप्रधान मोदींची कुंडली वृश्चिक लग्नात आणि वृश्चिक राशीत स्थित आहे. गुरु ग्रह लग्न आणि चंद्रापासून सातव्या घरात भ्रमण करत आहे, ज्यामुळे त्यांना उत्कृष्ट यश मिळत आहे. राहू पाचव्या घरात कुंडलीच्या राहूवरून भ्रमण करत आहे, तर केतू सूर्यावरून भ्रमण करत आहे.
देशाचे पंतप्रधान नरेंद्र मोदी यांची कुंडली पाहिली तर त्यांची राहू महादशा 2028 मध्ये सुरू होणार आहे. तर त्याच्या पुढल्या वर्षी 2029 मध्ये मोदी निवडणूक प्रचारात भाग घेतील. पण पंतप्रधान म्हणून ते पुढे असण्याची शक्यता कमी आहे. सोशल मीडियावर प्रसिद्ध झालेल्या व्हिडिओमध्ये असे सांगण्यात आले आहे की, पंतप्रधान मोदींच्या कुंडलीनुसार, त्यांची राहू महादशा नोव्हेंबर 2028 मध्ये सुरू होईल, ज्यामुळे व्यक्तीच्या आयुष्यात अचानक चढ-उतार दिसून येतात. हे एखाद्या व्यक्तीचे आरोग्य आणि उर्जेची पातळी दर्शवते. त्यावेळी, 2029 मध्ये पंतप्रधान म्हणून पंतप्रधान मोदी हे प्रतिनिधित्व करतील की नाही हे पाहणे महत्वाचे ठरेल. कुंडलीतील अशा प्रकारचा योग निर्माण होत असल्याने मोदी 2029च्या लोकसभा निवडणुकीनंतर संन्यास निर्णय घेतील का? असा अंदाज लावला जाऊ शकतो.
लग्नात चंद्र आणि मंगळ – चंद्र आणि मंगळाचे हे संयोजन अत्यंत प्रभावशाली मानले जाते. हा योग व्यक्तीला नेतृत्व कौशल्य, ऊर्जा आणि लोकप्रियता प्रदान करतो. दहाव्या घरात सूर्य, शनि आणि शुक्र – दहाव्या घरात सूर्य असल्याने मोदी हे एक सक्षम प्रशासक आणि नेता बनतात.
उच्च बुध (कन्या राशीत) – हा वक्तृत्व, धोरणात्मक विचार आणि तर्क यांचे प्रतीक आहे. नवव्या घरात गुरु ग्रह – हा भाग्य आणि धर्माशी संबंधित एक शुभ योग आहे, जो त्यांना सार्वजनिक आत्मविश्वास आणि उच्च स्थान देतो. केतू आणि बुध यांचा संयोग (११व्या घरात) – हे बुद्धिमत्ता आणि खोल अंतर्दृष्टी दर्शवते. त्यांचा राजयोग खूप मजबूत आहे, ज्यामुळे त्यांनी जीवनात अनेक आव्हाने असूनही ती पार करून यशाची शिखरे गाठली. सूर्य आणि शनीचा संयोग त्यांच्या जीवनात संघर्ष आणि विरोधाभास दर्शवितो, परंतु ते त्यांना शक्ती देखील देते. त्याच्या कुंडलीत शौर्य, दृढनिश्चय आणि संघटन क्षमता स्पष्टपणे दिसून येते.
