पिंपरी, दि. २८ (पीसीबी)- महाराष्ट्र औद्योगिक विकास महामंडळाच्या रावेत येथील जलशुद्धीकरण केंद्रामधील देखभाल व दुरुस्ती कामकाज केले जाणार आहे. स्थापत्य देखभाल व दुरुस्ती विभागामार्फत गुरुवारी (दि.29) रोजी सकाळी 8 ते सायंकाळी 6 वाजेपर्यंत पाणी पुरवठा बंद राहणार असल्याचे एमआयडीसी प्रशासनाकडून सांगण्यात आले आहे.
शुक्रवारी 30 डिसेंबर 2022 रोजी पाण्याचा पुरवठा कमी दाबाने व अपुरा होण्याची शक्यता आहे. पिंपरी-चिंचवड, भोसरी, देहूरोड, कासारवाडी फुगेवाडी, निगडी, सी.एम.ई., आर ॲण्ड डी दिघी, व्ही.एस.एन.एल., कँटोन्मेंट बोर्ड, ओ.एफ.डी.आर. या भागातील नागरिकांनी पाण्याचा जपून वापर करावा. पाण्याचा साठा अगोदर करून ठेवावा, असे आवाहन एमआयडीसीने केले आहे.
