गुजरात,दि.२९ (पीसीबी)- “आपला मुख्यमंत्री निवडा” ही मोहीम दिल्लीच्या मुख्यमंत्र्यांनी दिलेला ताजा धक्का आहे.केजरीवाल राज्यात आक्रमकपणे प्रचार करत आहेत, रॅली आणि टाऊनहॉल्स घेत आहेत आणि मोफत वीज, उत्तम शिक्षण आणि आरोग्य सुविधा यासारखी निवडणूकपूर्व आश्वासने देत आहेत.
लोकांना बदल हवा आहे. त्यांना महागाई, बेरोजगारीपासून दिलासा हवा आहे. या लोकांनी भाजप एक वर्षापूर्वी मुख्यमंत्री बदलले. त्यांच्याकडे प्रथम विजय रुपाणी होते. त्यांच्या जागी त्यांनी भूपेंद्र पटेल यांना का आणले? याचा अर्थ विजय रूपानीमध्ये काही गडबड होती का?” असं केजरीवाल पत्रकार परिषदेत म्हणाले
“विजय रुपाणी यांना आणले तेव्हा जनतेला विचारले गेले नाही. हे दिल्लीतून ठरवण्यात आले होते. लोकशाहीत मुख्यमंत्री कोण होणार हे जनता ठरवते. तुम्ही भाजप २०१६ मध्येही जनतेला विचारले नव्हते आणि २०२१ मध्येही विचारले नाही’ असही ते म्हणाले..
“आम आदमी पार्टीमध्ये, आम्ही असे करत नाही. आम्ही जनतेला विचारून ठरवतो की तुम्हाला मुख्यमंत्री कोण हवं आहे.. तुम्हाला आठवत असेल की पंजाबमध्ये आम्ही लोकांना मुख्यमंत्री कोण पाहिजे असे विचारले होते. आणि त्यानुसार. लोकांच्या इच्छेनुसार आम्ही भगवंत मान यांना मुख्यमंत्रीपदाचा चेहरा बनवले.”
गुजरातमध्ये आम आदमी पक्ष सरकार स्थापन करणार आहे. अशा परिस्थितीत जो कोणी आमचा मुख्यमंत्रीपदाचा उमेदवार असेल तोच गुजरातचा पुढचा मुख्यमंत्री असेल. त्यामुळे आज आम्ही जनतेला विचारत आहोत की तुमचा मुख्यमंत्री कोण असावा हे तुम्हीच सांगा.
“यासाठी, आम्ही लोकांचे मत जाणून घेण्यासाठी ६३५७०००३६० हा क्रमांक जारी करत आहोत. या क्रमांकावर तुम्ही एसएमएस करू शकता किंवा व्हॉट्सअॅप संदेश पाठवू शकता किंवा व्हॉईस मेसेज पाठवू शकता. तुम्ही [email protected] वर ईमेल देखील करू शकता. जनतेने त्यांची निवड आम्हाला कळवावी. हा क्रमांक 3 नोव्हेंबर रोजी सायंकाळी ५.०० वाजेपर्यंत कार्यरत असेल. त्याचा निकाल ४ नोव्हेंबरला जाहीर केजाईल, असही केजरीवाल म्हणाले.या वर्षाच्या अखेरीस १८२ सदस्यांच्या गुजरात विधानसभेच्या निवडणुका होणार आहेत. मात्र, मतदानाची तारीख अद्याप जाहीर झालेली नाही.
