दि . १२ ( पीसीबी ) – अहमदाबाद अपघाताआधी सरकारी आकडेवारीनुसार, बोईंग विमानांना आतापर्यंत ६ हजार अपघात झाले आहेत. यातील ४१५ अपघात अतिशय भीषण होते. यामध्ये ९ हजारहून अधिक जणांचा मृत्यू झाला. जगभरात सध्याच्या घडीला ४ हजाराहून अधिक बोईंग ७३७-८०० विमानं वापरात आहेत. आशिया, युरोप, उत्तर अमेरिकेत या विमानांचा वापर होतो.
गुजरातच्या अहमदाबादमध्ये एअर इंडियाच्या विमानाला मोठा अपघात झाला. विमानात २४२ प्रवाशांपैकी १३४ मृत्यू पावले. उड्डाणानंतर केवळ सहा मिनिटांतच हे बोईंग विमान अपघातग्रस्त झाले. यापूर्वीही बोईंग विमानांना अपघात झाल्याच्या अनेक घटना घडल्या आहेत.
अहमदाबाद: गुजरातच्या अहमदाबादमध्ये एअर इंडियाच्या विमानाला भीषण अपघात झाला आहे. या विमानात २४२ जण आहेत. यापैकी १२ कर्मचारी आहेत. अपघातग्रस्त विमान बोईंग कंपनीचं आहे. या अपघातानंतर बोईंग विमानांवर प्रश्नचिन्ह निर्माण झालं आहे.
एअर इंडियाच्या ताफ्यातील ड्रीमलायनर ७८७ विमान अहमदाबादहून लंडनला जाण्यास निघालं होतं. विमानानं उड्डाण केल्यानंतर अवघ्या ६ मिनिटांत अपघात झाला. बोईंग विमानाला अपघात झाल्याची ही पहिली घटना नाही. याआधी २०२४ मध्ये दक्षिण कोरियामध्ये बोईंगचं विमान अपघातग्रस्त झालं होतं. त्यात १८० जणांचा मृत्यू झाला होता. बोईंगच्या ७८७-८०० विमानाला अपघात झाला होता. हे विमान ७३७ मॅक्सचं नवीन व्हर्जन आहे.
गेल्या वर्षी जानेवारीत उड्डाणावेळी ७३७ मॅक्सच्या दरवाज्याचा प्लग उडाला होता. त्याआधी २०१८ आणि २०१९ मध्येही बोईंग ७३७ मॅक्सच्या विमानाला अपघात झाले होते. लायन एअर आणि इथोयोपियन एअरलाईन्सच्या विमानांना अपघात झाले होते. यामुळे बोईंगला या विमानाचं उत्पादन थांबवावं लागलं. त्यामुळे कंपनीला ३० अब्ज डॉलरचं नुकसान झालं. २०१८ आणि २०१९ मध्ये झालेल्या अपघातांमध्ये १८९ आणि १५७ जणांचा मृत्यू झाला आहे. पण यानंतरही बोईंग ७३७-८०० वापरात आहे.
बोईंग विमानांना सातत्यानं अपघात होत असल्यानं बोईंग ७३७ मॅक्सची तपासणी करण्यात आली. त्यात मॅन्युफॅक्चरिंग कॅरेक्टरिस्टिक्स ऑग्मेंटेशन सिस्टिमशी (MCAS) संबंधित समस्या आढळून आली. या सिस्टिमनं मॅन्युअल लँडिगवरील अवलंबित्व कमी केलं होतं. पण पायलट्सना याबद्दलची अधिक माहिती देण्यात आलेली नव्हती. २०१८ आणि २०१९ मध्ये ३४६ प्रवासी आणि विमान कर्मचाऱ्यांचा मृत्यू झाला. यानंतर या विमानांचा वापर बंद करण्यात आला. मग विमानानं बोईंगनं विमानात बदल करुन ते अपडेट केलं. मग ७३७-८०० नावानं ते सेवेत आणण्यात आलं.
