कल्याण – कल्याण डोंबिवली पालिकेच्या मांडा-टिटवाळा अ प्रभाग हद्दीतील बेकायदा बांधकामे रोखण्यात अयशस्वी ठरल्याचा ठपका ठेवत पालिकेचे अतिरिक्त आयुक्त हर्षल गायकवाड यांनी अ प्रभागाचे तत्कालीन साहाय्यक आयुक्त संदीप रोकडे यांना पालिका सेवेतून सोमवारी निलंबित केले. मागील पंधरा दिवसापासून रोकडे यांच्या निलंबनाचा प्रस्ताव प्रशासनाच्या विचाराधीन होता. अ प्रभाग हद्दीतील मांडा, टिटवाळा, बल्याणी, बनेली, उंभार्णी, वासुंद्री परिसरात बेसुमार बेकायदा चाळी सुरू होत्या.
