राज्यात एकाच दिवशी धमकीचे दोन कॉल आल्याने पोलिसांनी तातडीने चौकशीला सुरुवात केली आहे. पुण्याचे गुगल ऑफिस उडवून देण्याची धमकी देणाऱ्यास हैदराबाद येथून ताब्यात घेतल्याची माहिती आहे. तर, मुंबईच्या सहायक पोलिस आयुक्तांना फोन करणाऱ्या व्यक्तीने स्वत:चे नाव यशवंत माने, असे सांगितले आहे. पोलिस याबाबत अधिक तपास करत आहेत.

मुंबईच्या सहायक पोलिस आयुक्तांना रात्री 2 वाजण्याच्या सुमारास एका अज्ञात व्यक्तीचा फोन आला. फोन करणाऱ्याने स्वतःचे नाव यशवंत माने सांगितले आहे. मीरा-भाईंदरमध्ये बॉम्बस्फोट होणार आहे. बॉम्बस्फोट रोखायचे असेल तर तातडीने पोलिसांना तेथे पाठवा, अशी धमकी या व्यक्तीने दिली.

सहायक पोलिस आयुक्तांनी अधिक माहिती विचारली असता त्याने शिवीगाळ करून फोन कट केल्याचे पोलिसांनी सांगितले. सहायक आयुक्तांनी तातडीने मुंबईच्या पोलिस नियंत्रण कक्षाला ही माहिती दिली. त्यानंतर मीरा-भाईंदर पोलिसांना तातडीने अलर्ट करण्यात आले. पोलिसांनी परिसराची तपासणी केली असता कोणतीही संशयास्पद वस्तू आढळली नाही. सहायक पोलिस आयुक्तांना आलेल्या धमकीच्या कॉलची चौकशी पोलिस करत आहेत. पुण्यातील गुगलचे ऑफिस उडवून देण्याची धमकी देणारा एक फोनही काल रात्री करण्यात आला होता. त्यामुळे गुगलचे ऑफिस असणाऱ्या कोरेगाव पार्क परिसरात एकच खळबळ उडाली. फोन येताच बॉम्ब शोधक पथकाने गुगलच्या कार्यालयाची संपूर्ण तपासणी केली. तपासात कोणतीही संशयास्पद वस्तू आढळली नाही.

ज्या व्यक्तीने धमकीचा फोन केला होता त्याला आता पोलिसांनी हैदराबाद येथून ताब्यात घेतल्याची माहिती समोर आली आहे. प्राथमिक माहितीनुसार, 45 वर्षीय व्यक्तीने दारूच्या नशेत हा फोन केला होता. या व्यक्तीचा भाऊ पुण्यात राहतो. दोघांमध्ये काही कारणांमुळे वाद आहेत. याच गोष्टीचा राग मनात धरून भावाला त्रास व्हावा, या उद्देशाने थेट गुगलचे ऑफिस उडवून देण्याची धमकी दिली होती. पोलिस अधिक तपास करत आहेत.

आदित्य ठाकरे म्हणाले, मुख्यमंत्री आणि त्यांच्यासोबतचे ४० गद्दार आमदार जातात तिथे ५० खोक्यांची घोषणा होते. ही घोषणा ऐकल्यावर त्या घोषणा देणाऱ्या कार्यकर्त्यांच्या मागे पोलिसांना पाठवलं जातं. त्यांच्या घरावर धाड पडते. केंद्रीय यंत्रणा त्यांच्या मागे लागते. परंतु राज्यात झालेली ही गद्दारी कोणालाच पटलेली नाही. मुख्यमंत्री आणि ४० आमदारांनी उद्धव साहेबांच्या पाठीत वार केले.
आदित्य ठाकरे म्हणाले की, आतापर्यंत अनेक आमदार, खासदारांनी पक्षाची विचारणी न पटल्यामुळे किंवा कोणत्याही कारणास्तव पक्ष बदलले आहेत. परंतु या नेत्यांनी रीतसर राजीनामा देऊन दुसऱ्या पक्षात प्रवेश केला. परत निवडणूक देखील लढवली. परंतु जे राज्यात झालंय, तसं राजकारण यापूर्वी कधीही झालं नव्हतं.

मुख्यमंत्री एकनाथ शिंदे यांच्याविरोधात आक्रमक होत आदित्य ठाकरे म्हणाले की, आम्ही (महाविकास आघाडी) जातो तिथे सभांना मोठी गर्दी होते. विरोधी पक्षनेते अजित पवार, नाना पटोले, बाळासाहेब थोरातांच्या सभांना मोठी गर्दी होते. परंतु तुम्ही कधी घटनाबाह्य मुख्यमंत्र्यांच्या सभांना गर्दी झालेली पाहिली आहे का? तिथेही गर्दी होते, पण फक्त खुर्च्यांची. आमच्या सभेला जनता गर्दी करते तर त्यांच्या सभांना फक्त खुर्च्यांची गर्दी होते.

पुणे, दि.१३ (पीसीबी) : देशात वाढत्या बेरोजगरीमुळे आता उच्च शिक्षित तरुणांही पोलिस भरतीसाठी नाव नोंदणी केली असून आपले भविष्य ते आजमावत आहेत. राज्यात तब्बल १८ लाख तरुणांनी शिपाई पदासाठी अर्ज केले आहेत.

देशात बेरोजगार तरुणांची संख्या मोठी आहे. अनेक तरुण हे उच्चशिक्षित असूनही ते बेकार आहेत. रोजगार मिळत नसल्याने मिळेल ते काम करण्यास ही तरुणाई तयार आहे. सध्या राज्यात मोठ्या प्रमाणात पोलिस भरती सुरू असून या भरतीत इंजिनियर, डॉक्टर, एमबीए, एमएस्सी झालेले तरुणही आपले नशीब आजमावत आहेत.

देशात तरुणाईला रोजगार देणे हे सरकार पुढचे मोठे आवाहन आहे. केंद्र सरकारने मोठ्या प्रमाणात तरूणांन रोजगार देणार असल्याचे जाहीर केले आहे. त्यानुसार अनेक सरकारी नोकऱ्यांसाठी तरुण आपले नशीब आजमावत आहे. राज्यात सध्या पोलिस भरती सुरू आहे. विविध जिल्हयात ही भरती प्रक्रिया सुरू आहे. पुणे शहरातही पोलीस भरती ३ जानेवारीपासून सुरु करण्यात आली आहे. या पोलिस भरतीत ७२० पोलीस शिपाई पदाकरिता तब्बल ६६ हजार १४२ अर्ज आले आहेत. असून ७५ चालक पदाकरिता सहा हजार ८४३ जणांचे अर्ज आले आहेत. यात इंजिनिअर, डाॅक्टर, एमबीए, एमएस्सी, बी-टेक, बीबीए, बीएसीएस, बीएस्सी शिक्षण घेतलेल्या उच्चशिक्षितांचे प्रमाण मोठे असल्याची माहिती पुढे आली आहे. उच्च शिक्षित तरुणांनी देखील अर्ज केल्याने भरती करणाऱ्या पोलीसांकडून ही आश्चर्य व्यक्त केले जात आहे.

पुणे पोलीसांकडे भरतीसाठी आलेल्या उमेदवारात दोन हजार ३९० उच्चशिक्षित पदवीधर तरुण आहेत तर ८४८ जणांनी पदव्युत्तर पदवी संपादित केलेली आहे. यामध्ये एलएलएम (७ जण), एम.फार्म (३), एमबीए (२८१), एमसीए (४२), एमसीएस (३२), एम.ई. (८), एमएसडब्लूय (९८), एम.टेक (६), एमसीएम (३) अशा पदव्युुत्तर पदवी धारकांचा समावेश आहे. तर, बीई अभियंते (८७६), बी.फार्म (८५), बीबीए (२२२), बीसीए (५१५), बी.टेक (१७१), बीसीएस (३९४), बीएसडब्लयू (५८), बीसीएम (३०), बीएलएस- एलएलबी (१५), बीडीएस , बीएसएमस डाॅक्टरांचे प्रत्येकी दोन, बीएमएस नऊ अशा आदी पदवीधारकांनी देखील भरती साठी अर्ज केला आहे.

यावेळी उप जिल्हा निवडणूक अधिकारी आरती भोसले, समन्वयक अधिकारी तथा उपजिल्हाधिकारी सुभाष बागडे, तहसीलदार प्रशांत पिसाळ तसेच बेल कंपनीचे अभियंते उपस्थित होते.

कसबा विधानसभा मतदार संघात १६ आणि चिंचवड विधानसभा संघात २८ उमेदवार निवडणूक रिंगणात असल्याने दोन्ही मतदार संघातील प्रत्येक मतदान केंद्रावर प्रत्येकी दोन बॅलेट युनिटची आवश्यकता भासणार आहे. त्यामुळे भारत निवडणूक आयोगाने कोल्हापूर जिल्ह्यातील ७०० अतिरिक्त बॅलेट युनिट पोटनिवडणुकीसाठी उपलब्ध करुन दिले आहेत. या यंत्रांची आज प्रथमस्तरीय तपासणी करण्यात आली.

पुरवणी प्रथमस्तरीय तपासणी सोमवार १३ फेब्रुवारी २०२३ रोजी पूर्ण होणार असल्याची माहिती जिल्हा निवडणूक शाखेने दिली आहे.

मुख्यमंत्री एकनाथ शिंदे यांनी काल घोले रोड परिसरातील महात्मा फुले कला दालनात खासदार गिरीश बापट यांची भेट घेतली. गिरीश बापट गेल्या काही दिवसांपासून आजारी आहेत. त्यानिमित्ताने शिंदे यांनी बापट यांची भेट घेऊन त्यांच्या प्रकृतीची विचारपूस केली. तसेच त्यांना काळजी घेण्याचा सल्लाही दिला. यावेळी दोन्ही नेत्यांमध्ये अर्धा तास खलबतं झाली. जुन्या आठवणींना उजाळा देतानाच यावेळी राजकीय परिस्थिती आणि कसब्याच्या निवडणुकीवरही या दोन्ही नेत्यांमध्ये चर्चा झाली.

लवकर बरे होतील, कामाला लागतील

या भेटीनंतर मुख्यमंत्री एकनाथ शिंदे यांनी मीडियाशी संवाद साधला. गिरीश बापटांची सदिच्छा भेट घेण्यासाठी आलो होतो. त्यांची तब्येत बरी नाही. आम्ही जुने मित्र आहोत. सदिच्छा भेटीत जुन्या आठवणींना उजाळा दिला. ते लवकर बरे होतील आणि कामाला लागतील असा विश्वास आहे, असं मुख्यमंत्री शिंदे म्हणाले.

कसब्याच्या निवडणूकिबद्दल त्यांनी स्वतःच मला सांगितले. कसबा आणि चिंचवड या दोन्ही ठिकाणी आपले उमेदवार निवडून येतील, मी सांगायच्या आधीच त्यांनीच मला सांगितले. कसब्याची चिंता करू नका. मी इकडे बसलो आहे. आपलं नेटवर्क आहे. कामाला लागलो आहे, असं बापट यांनी सांगितल्याचं शिंदे म्हणाले.
या दोन्ही जागा गेल्या अनेक वर्षे भाजपकडेच आहेत. लोकांचा भाजपच्या आमदारांवर विश्वास आहे. या मतदारसंघात भाजपने कामे केली आहेत. सरकारने कामं केली आहेत. या निवडणुकीत दोन्ही जागेवर भाजपचे उमेदवार निवडून येणार आहेत, असा दावाही शिंदे यांनी केला

पुणे, दि. ११ (पीसीबी) : माघारीची मुदत संपल्यानंतर पुणे कसबा पेठ व पिंपरी चिंचवड पोटनिवडणुकीचे चित्र स्पष्ट झाले आहे. पिंपरी चिंचवडमध्ये महाविकास आघाडीचे उमेदवार नाना काटे, भाजप उमेदवार अश्विनी जगताप आणि अपक्ष राहुल कलाटे अशी तिरंगी लढत आता होणार आहे. त्यानंतर राहुल कलाटे यांच्यासंदर्भात बॅनर लावण्यात आले होते. आता कसबा पेठेत टिळक परिवाराला उमेदवारी दिली नाही, यावरुन बॅनर लागले आहे. कसबा पेठ मतदार संघातून भाजपने हेमंत रासने यांची उमेदवारी जाहीर केली आणि भाजपच्या या बालेकिल्ल्यात आता पुन्हा पोस्टर झळकला आहे.

कसबा पेठ येथे भाजपचे हेमंत रासने, काँग्रेसचे रवींद्र धंगेकर आणि हिंदू महासंघाचे आनंद दवे यांच्यात प्रमुख लढत होत आहे. पुणे कसबा पेठ मतदार संघातून टिळक परिवाराला भारतीय जनता पक्षाने उमेदवारी दिली नाही. यामुळे पुण्यातील मोदी गणपतीजवळ अज्ञातांकडून बॅनर लावण्यात आला आहे. त्यात म्हटले आहे की,

आमचं ही ठरलं धडा कसा शिकवायचा
कसबा हा गाडगीळांचा
कसबा हा बापटांचा
कसबा टिळकांचा
का काढला आमच्याकडून कसबा
आम्ही दाबणार NOTA

यापुर्वी लावले होते बॅनर
कसबा पेठ मतदार संघातून भाजपने हेमंत रासने यांची उमेदवारी जाहीर केली. यामुळे ब्राम्हण समाज संतप्त झाला आहे. यापुर्वी कसबा पेठेत बॅनर लावले होते. कुलकर्णीचा मतदारसंघ गेला… टिळकांचा मतदारसंघ गेला… आता नंबर बापटांचा का? समाज कुठवर सहन करणार?

सकाळी पिंपरी चिंचवडमध्ये बॅनर
पिंपरी चिंचवडमध्ये फ्लेक्सच्या माध्यमातून महाविकास आघाडीचे बंडखोर राहुल कलाटे यांच्यांवर निशाणा साधण्यात आलाय. ही बंडखोरी खोके घेऊन झाल्याचं त्यात म्हटलंय आहे. यातून त्यांची गुलामी अन गद्दारी समोर आल्याचं म्हटले आहे.

एका अपक्षाची उमेदवारी खोक्यातून…
नागपूरची गुलामी,
ठाण्याची गद्दारी,
एकदेव ओके डोक्यातून…
खरा शिवसैनिक असे या बॅनरमध्ये म्हटले आहे.

ॲड. असीम सरोदे यांनी मीडियाशी संवाद साधताना ही शक्यता वर्तवली आहे. कुठलंही सरकार पाच वर्षांचं असतं. सर्वोच्च न्यायालयात 16 आमदार अपात्र ठरले तर राज्याची विधानसभा बरखास्त होईल. हे सरकार चुकीचं आहे असा निर्णय न्यायालयाने दिला तर राज्यात राष्ट्रपती राजवट लागेल. अशा वेळी कलम 172 नुसार विधानसभा टिकत नाही. विधानसभा विसर्जित होते आणि विसर्जित झालेल्या विधानसभेची निवडणूक होत नाही. मतदानही होत नाही. विधानसभा बरखास्त झाली तर कुठल्याही प्रकारच्या निवडणुकीच आयोजन करता येत नाही, असं असीम सरोदे यांनी म्हटलं आहे.

सर्वोच्च न्यायालयात हे आमदार अपात्र ठरले तर त्याआधीच निवडणूक आयोगाने निर्णय देणे चुकीचं ठरेल. पार्टी दोन प्रकारची असते एक म्हणजे ओरिजनल पार्टी आणि दुसरी म्हणजे लेजेसलेटिव्ह पार्टी. एकनाथ शिंदे निवडणूक आयोगासमोर जे सांगत आहेत ते अपूर्ण आहे. ओरिजनल पार्टी कुणाच्या नावाने रजिस्टर आहे किंवा त्याच्या अध्यक्ष कोण आहेत हे सुनावणीत महत्त्वाचं ठरू शकतं, असं सरोदे यांनी सांगितलं.

तर निर्णय अंगलट येईल –
मूळ पार्टी शिवसेना आहे. त्यामुळे एकनाथ शिंदेंचा दावा कमकुवत होऊ शकतो. बेकायदेशीर निर्णय देणे निवडणूक आयोगाच्या अंगलट येऊ शकते हे त्यांच्या लक्षात आलं आहे. असं केल्याने निवडणूक आयोगाच्या विश्वासाला तडा जाईल. याच कारणामुळे निवडणूक आयोग आपला निर्णय पुढे ढकलत आहे. म्हणून घाई न करता न्यायालयाच्या निर्णयानंतरच निवडणूक आयोग आपला निर्णय देईल. सर्वोच्च न्यायालयाच्या आधी निवडणूक आयोगाचा निकाल येणार नाही, असंही त्यांनी स्पष्ट केलं.

उद्धव ठाकरे यांचं आव्हान
दरम्यान, माजी मुख्यमंत्री उद्धव ठाकरे यांनी काल पत्रकार परिषद घेतली होती. यावेळी उद्धव ठाकरे यांनी सर्वोच्च न्यायालयाकडून आमदार अपात्रतेचा निर्णय येईपर्यंत निवडणूक आयोगाने आपला निर्णय देऊ नये अशी मागणी केली.

अभिजित बिचुकले माध्यमांशी बोलताना म्हणाले की, मी निवडणूक आयोगाला पत्र दिलं आहे की राज्याचे जे गोपनीय खाते जे आहे त्यांनी या प्रकाराचा तपास करावा, मी उद्धव ठाकरे यांच्या मुलाच्या विरोधात उभं राहिलो तरी मला धमकी आली नाही. मला धमकी देणार हा कुत्रा कोण आहे याचा शोध पोलिसांनी घ्यावा. तर पुढं म्हणाले चंद्रकांत पाटील यांच्यावर शाई फेकली उद्या माझ्या अंगावर रॉकेल टाकतील.अशी प्रतिक्रिया अभिजित बिचुकले यांनी दिली.

जळगाव येथील एकलव्य क्रीडा संकुलामध्ये महावितरणच्या राज्यस्तरीय स्पर्धेचा रविवारी (दि. ५) सायंकाळी समारोप झाला. यावेळी कोकण प्रादेशिक कार्यालयाचे सहव्यवस्थापकीय संचालक श्री. चंद्रकांत डांगे यांच्याहस्ते पुणे परिमंडलाचे मुख्य अभियंता श्री. राजेंद्र पवार यांनी संयुक्त अजिंक्यपदाचा करंडक स्वीकारला. औरंगाबाद प्रादेशिक कार्यालयाचे सहव्यवस्थापकीय संचालक डॉ. मंगेश गोंदावले, कार्यकारी संचालक (वितरण/मानव संसाधन) श्री. अरविंद भादीकर, स्पर्धेच्या संयोजन समितीचे अध्यक्ष व मुख्य अभियंता कैलास हुमणे (जळगाव), भुजंग खंदारे (मुख्यालय), मुख्य जनसंपर्क अधिकारी अनिल कांबळे, सहमुख्य औद्योगिक संबंध अधिकारी ललित गायकवाड, महाव्यवस्थापक (मानव संसाधन) राजेंद्र पांडे आदींची यावेळी प्रमुख उपस्थिती होती.

महावितरणच्या चार दिवसीय क्रीडास्पर्धेत पुणे प्रादेशिक संचालक (प्र.) श्री. अंकुश नाळे यांच्या मार्गदर्शनात तसेच मुख्य अभियंता श्री. राजेंद्र पवार (पुणे) व श्री. सुनील पावडे (बारामती) यांच्या नेतृत्वात पुणे-बारामती संघाने यंदा क्रीडा स्पर्धेसाठी कसून तयारी करण्यात आली. खेळाडूंना प्रशिक्षण देणे, सराव शिबिर आदींचे आयोजन करण्यात आले होते. क्रीडास्पर्धेचे समन्वयक तसेच उपमुख्य औद्योगिक अधिकारी श्री. शिरीष काटकर (पुणे) व श्री. श्रीकृष्ण वायदंडे (बारामती) यांनी खेळाडूंची निवड चाचणी, सराव, प्रशिक्षण शिबिर आदींसाठी महत्वाचे योगदान दिले तर महाव्यवस्थापक (मानव संसाधन) श्री. अभय चौधरी यांनी संघप्रमुख म्हणून काम पाहिले. राज्यातील १६ परिमंडलांच्या ८ संयुक्त संघांतील ७३० पुरुष व ३५३ महिला असे एकूण १०८३ खेळाडू स्पर्धेत सहभागी झाले होते.

पुणे-बारामती परिमंडल संघाने सांघिक खेळात क्रिकेट, खोखो (पुरुष), बॅडमिंटन (महिला) स्पर्धेत विजेतेपद मिळविले तर कबड्डी (महिला) व कॅरम (पुरुष) मध्ये उपविजेता ठरले. वैयक्तिक खेळ प्रकारामध्ये पुणे-बारातमी संघाचे विजेते व उपविजेते पुढीलप्रमाणे- धावणे १०० मीटर (पुरुष)- गुलाबसिंग वसावे (उपविजेता), २०० मीटर (पुरुष)- गुलाबसिंग वसावे (विजेता), ८०० मीटर (पुरुष)- प्रतीक वाईकर (विजेता), १५०० मीटर (पुरुष)- प्रतीक वाईकर (विजेता), महिला गट- अर्चना भोंग (विजेती), ४ बाय १०० रिले (पुरुष)- प्रतीक वाईकर, सोमनाथ कांतीकर, कृष्णा लाड, गुलाबसिंग वसावे (उपविजेता), महिला गट- सुप्रिया लुंगसे, अर्चना भोंग, शर्वरी तिवटणे, माया येळवंडे (उपविजेता), गोळा फेक (पुरुष)- प्रवीण बोरावके (विजेता), थाळी फेक (पुरुष)- प्रवीण बोरावके (विजेता), लांब उडी (पुरुष)- सोमनाथ कांतीकर (विजेता), महिला गट- माया येळवंडे (उपविजेती), बुद्धीबळ (पुरुष)- अजय पंडित (विजेता) टेनिक्वाईट- (महिला दुहेरी)- शीतल नाईक, कोमल सुरवसे (विजेते), बॅडमिंटन महिला एकेरी- वैष्णवी गांगरकर (विजेती), पुरुष दुहेरी- इम्रान तासगावकर व गणेश काकडे (उपविजेता), कुस्ती ५७ किलो- आकाश लिंभोरे (विजेता), ६५ किलो- राजकुमार काळे (विजेता), ७४ किलो- अकील मुजावर (उपविजेता), ८६ किलो- अमोल गवळी (विजेता), ९२ किलो- वैभव पवार (विजेता)

तळेगाव येथील नूतन कॉलेज ऑफ इंजिनीरिंग व रिसर्च चा क्लब ” नातं विश्वासाचे ” यांनी सामाजिक व ऐतिहासिक भान जपत शनिवारी सिंहगडावर जागोजागी स्वच्छता राखण्यासाठी संवाद साधत जनजागृती केली.

नियमित गडावर पर्यटकांची वर्दळ असल्याने अनेक ठिकाणी,दरीत प्लास्टिक व कचरा दिसून येतो , तसेच लोक पिकनिक स्पॉट म्हणून भेट देतात त्यामुळे काही पर्यटक धिंगाणा घालताना दिसून येतात . ह्या सर्व गोष्टी कमी करण्यासाठी ” नातं विश्वासाचे ” या शिवप्रेमी समूहाने जनसंवाद साधत त्यांना इतिहासची , तानाजी मालुसरे यांच्या पराक्रमाची गाथा सांगितली व गडावर स्वच्छता राखण्यासाठी जनजागृती देखील केली ; तसेच छोटीशी स्वच्छता मोहीम राबवत ट्रेकिंग च्या वाटेतील सर्व प्लास्टिक व कचरा गोळा करून पायथ्याला सर्व कचरा जमा केला.

” सरकार , वनविभाग, इतिहास प्रेमी संघटना किल्ले स्वच्छ व उत्तम ठेवण्यात पूर्ण प्रयत्न करते , पण त्या सोबत किल्ल्यावर येणाऱ्या प्रत्येक व्यक्ती ला जाण असावी की ही जागा थोर लोकांचं रक्त सांडून पावन झालेली आहे त्यावर आपले चिन्ह आणि कचरा करून त्याला दूषित करू नये आणि त्याचा गौरव सदैव अमर ठेवनं आपली जबाबदारी आहे….” – शिवराज नलावडे (संस्थापक – नातं विश्वासाचे))

या स्वच्छता मोहिमेत “नातं विश्वासाचे” क्लबचे शिवराज नलावडे (संस्थापक) , आदेश खेडेकर , गौरी आल्हाट ,पवन पाटील, साक्षी सुतार , संकेत दळवी , प्रीती शेवाळे , वैभव शित्रे , प्रज्वल जोगदंड , सायली गावडे व अन्य विद्यार्थ्यांचा सहभाग होता.