शहरप्रमुख सचिन भोसले, जिल्हाप्रमुख गौतम चाबुकस्वार यांनी ही कारवाई केली आहे. चिंचवड विधानसभेच्या पोटनिवडणुकीत महाविकास आघाडीचे उमेदवार नाना काटे आहेत. महाविकास आघाडीतील घटक पक्ष या नात्याने शिवसेनेचा पाठिंबा आहे. परंतु, काही पदाधिकारी पक्ष आदेशाविरोधात काम करत असल्यामुळे त्यांची हकालपट्टी करण्यात आली.

त्यामध्ये चिंचवड विधानसभेच्या महिला संघटिका अनिता तुतारे, शहर संघटिका रजनी वाघ, विभाग संघटिका शिल्पा आनपान, उपशहरप्रमुख नवनाथ तरस, विभागप्रमुख प्रशांत तरवटे, हनुमंत पिसाळ, पिंपरी विधानसभा समन्वयक गणेश आहेर आणि रवि घटकर यांचा समावेश आहे.

पिंपरी, दि. २० (पीसीबी) – भारतीय जनता पक्षाच्या कुटनीतीमुळे शिवसैनिक प्रचंड दुखावला आहे. खोके सरकारच्या मदतीने शिवसैनिकात फूट पाडणाऱ्या भाजपचा चिंचवड विधानसभेच्या पोटनिवडणुकीत वचपा काढण्याची संधी चालून आली आहे. यावेळी आमचा पक्ष हा महाविकास आघाडीचा उमेदवार असणार आहिज मत वाकड येथील ज्येष्ठ शिवसैनिक तारामल कलाटे (आण्णा) यांनी सांगितले. महाविकास आघाडीचे उमेदवार विठ्ठल उर्फ नाना काटे पुनावळे, ताथवडे आणि आमच्या हक्काच्या वाकड परिसरातून महाविकास आघाडीचे उमेदवार विठ्ठल उर्फ नाना काटे यांना ५ हजारापेक्षा जास्त मताचे लीड देणार असेही कलाटे यांनी यावेळी म्हटले आहे.

यावेळी प्रमुख उपस्थिती स्व. नगरसेवक आर. आर. पाटील यांचे चिरंजीव रोहित पाटील यांची होती. यावेळी चिंचवडची निवडणूक ही भावनिकतेवर नव्हे तर विकासकामांच्या जोरावर जिंकू असा विश्वासही रोहित पाटील यांनी यावेळी बोलताना व्यक्त केला.

भ्रष्ट कारभाराला कंटाळून भाजपच्या चिंचवड विधानसभेतील तीन विद्यमान आणि एक माजी नगरसेवकांनी राष्ट्रवादी काँग्रेसमध्ये प्रवेश केला. यामुळे चिंचवड विधानसभेत खळबळ निर्माण झाली असून भाजप बॅकफूटवर गेला आहे. भाजपला साथ देणाऱ्या लोकप्रतिनिधींना प्रचाराला आणि मतदानाला बोलावणाऱ्या स्वार्थी आणि भ्रष्ट भाजप नेत्यांनीच भावनेचा बाजार मांडल्याने मत तारामल कलाटे (अण्णा) यांनी पुनावळे येथील कोपरा सभेवेळी दिले.

यावेळी महाविकास आघाडीचे उमेदवार विठ्ठल उर्फ नाना काटे, स्व. नगरसेवक आर. आर. पाटील यांचे चिरंजीव रोहित पाटील, मयूर कलाटे, रेखा दर्शीले, संदीप पवार, सुप्रिया पवार, विजय दर्शिले, माजी सरपंच लक्ष्मण मोहिते, संभाजी शिंदे, सागर ओव्हाळ, राजाराम काटे, प्रकाश काटे, सुरेश रानवडे, किरण बोरगे, सुभाष कोयते, शिवाजी बांदल, अतुल काटे, सचिन झिंजुर्डे, राहुल काटे, ईश्वर ओव्हाळ, राजेंद्र गायकवाड, शांताराम बोडके, बाळासाहेब बोडके, अक्षय भुजबळ, श्रीकांत ढवळे, सुनील ढवळे यांच्यासह पुनावळेतील राष्ट्रवादी काँग्रेस व शिवसेनेचे असंख्य शिवसैनिक यावेळी उपस्थित होते.

पुनावळे येथील बुद्ध विहार, बोरगेवाडा, भैरवनाथ मंदिर, पुणे शहर सावता माळी मंदिर ते मोहिते कॉम्प्लेक्स पर्यंत पदयात्रा काढण्यात आली. त्यानंतर कोयतेवस्ती, पांढरे वस्ती, काटे वस्ती, ताजणे वस्ती, विजयनगर, माळवाडी या परिसरात रॅली काढून शिवसेनेच्या नगरसेविका रेखा दर्शीले यांच्या निवासस्थानी जनतेशी संवाद साधला.

श्रीमन महासाधू मोरया गोसावी संजीवन समाधी मंदिरा चा परिसरात मोरया गोसावी यांच्या पदस्पर्शाने पावन झालेल्या चिंचवड गावात आणि चिंचवडकरांच्या अस्मिता असणाऱ्या महान साधू मोरया गोसावी यांच्या चरणी नारळ अर्पण करून श्रींची महाआरती करत आज महाआघाडीचे उमेदवार विठ्ठल उर्फ नाना काटे यांनी प्रचाराची सुरुवात केली आहे. यानंतर चाफेकर चौकातील चाफेकर बंधूंच्या स्मारकाला पुष्पहार अर्पण करण्यात आला.

यावेळी निरीक्षक आमदार सुनील आण्णा शेळके, आमदार अण्णा बनसोडे, आमदार विलास लांडे, माजी महापौर संजय वाघेरे, युवक प्रदेश कार्याध्यक्ष रविकांत वर्पे, चिंचवड विधानसभेचे प्मारचार प्जीरमुख भाऊसाहेब भोईर, महापौर मंगलाताई कदम, शिवसेनेचे शहराध्यक्ष सचिन भोसले, पिंपरी चिंचवड शहर काँग्रेस कमिटी शहराध्यक्ष, कैलास कदम, राष्ट्रवादी कॉंग्रेस पक्षाचे शहराध्यक्ष अजित गव्हाणे, महिला अध्यक्ष कविताताई अल्हाट, नरेंद्र बनसोडे, विधानसभा प्रमुख अनंत कोराळे, अपर्णाताई डोके, राजेंद्र गावडे, सुनील गव्हाणे व पिंपरी चिंचवड शहरातील महाविकास आघाडीचे सर्व नेते, पदाधिकारी आणि कार्यकर्ते एकजुटीने या प्रचार शुभारंभासाठी उपस्थित होते. चिंचवड मतदारसंघात महाविकासआघाडीतील तीनही पक्षांची चांगली ताकत आहे. या एकजुटीचा थेट फायदा नाना काटे यांना या निवडणुकीत होताना दिसत आहे.

यावेळी उसळलेली गर्दी महाविकास आघाडीचा आत्मविश्वास द्विगुणित करणारी ठरणार आहे. यापुढील काळात अधिक उत्साहाने प्रचारात सक्रिय होण्यासाठी मोठी मदत आज झालेल्या या प्रचार शुभारंभाने होणार आहे.

नाना काटे यांची उमेदवारी जाहीर झाल्याच्या पहिल्याच दिवशी पिंपळे सौदागरवासियांनी एकजुटीने नाना काटे यांच्या विजयाचा संकल्प केला. सौदागरवासियांच्या एकजुटीची स्वतः अजित पवारांनी स्तुती केली आहे. पिंपळे सौदागरवासियांनी आपल्या साठी अर्ध्या रात्री धावून येणाऱ्या नेत्याला आमदार करायचेच असा चंग बांधला आहे.

आता तोच कित्ता गिरवत रहाटणी या गावाने देखील नाना काटेंना आमदार करण्याचा निर्धार केला आहे. रहाटणी या गावात देखील नाना काटे यांचे भरीव काम आहे. रहाटणी येथील नागरिक थेट नाना काटे यांना काहीही अडचण असली तर हक्काने सांगतात. आणि नाना काटे देखील त्यांची मदत करतात. याच कारणाने सर्व गावकऱ्यांनी एकत्र नाना काटे हेच पुढील आमदार असतील हे ठरवून टाकले आहे.

रहाटणी गावाच्या एकजुटीचा नाना काटे यांना या निवडणुकीत मोठा फायदा होणार आहे. ज्या पद्धतीने नाना काटेंना मोठ्या प्रमाणावर समर्थन मिळत आहे त्यावरून या निवडणुकीत नाना काटे यांनी मोठी आघाडी घेतलेली दिसून येत आहे.

रिपब्लिकन पार्टी ऑफ इंडिया (गवई गट) यांचे जनरल सेक्रेटरी सौ. लताताई ओव्हाळ यांनी प्रसिध्दी पत्रकाद्वारे आपण या निवडणुकीत राष्ट्रवादी काँग्रेस पक्षाला समर्थन देत असल्याचे स्पष्ट केले आहे. रिपब्लिकन पार्टी ऑफ इंडियाचे (गवई गट) राष्ट्रीय अध्यक्ष डॉ. राजेंद्र गवई यांनी विधानसभा विरोधी पक्षनेते अजित पवार आणि राष्ट्रवादी काँग्रेस पार्टीचे प्रदेशाध्यक्ष जयंत पाटील यांच्या सोबत झालेल्या चर्चेनंतर हा निर्णय घेतला आहे.

चिंचवड मतदारसंघात गवई गटाला मानणारा मोठा वर्ग आहे. त्यामुळे नाना काटे यांच्या पारड्यात मोठ्या प्रमाणावर मतदान झुकणार आहे. यामुळे नाना काटे यांनी मोठी आघाडी या निवडणूक प्रचारात घेतली असल्याचे दिसून येत आहे. स्वतः अजित पवार यांनी ही निवडणूक हातात घेतल्याने राष्ट्रवादी भक्कम परिस्थितीत दिसत आहे.
येत्या काळात निवडणूक प्रचारात देखील गवई गटाचे कार्यकर्ते सक्रिय होणार असल्याने त्याचा थेट फायदा राष्ट्रवादी काँग्रेस पक्षाला होणार आहे.

आज प्रचाराच्या दुसऱ्या दिवशी शहर काँग्रेसने आपल्या पदाधिकाऱ्यांची बैठक घेऊन नाना काटे यांना जाहीर पाठिंबा देत आपल्या कार्यकर्त्यांना आपल्या प्रभागांमध्ये सक्रियपणे सहभागी होण्यासाठी सज्ज केले आहे. या बैठकीद्वारे कोकण रत्न विकास महासंघ, विविध महिला बचत गट, युवक संघटना, विविध समाजाच्या संघटना, परिसरनिहाय कार्यकर्त्यांचा संच यांनी आघाडीचे उमेदवार नाना काटे यांना पुष्पगुच्छ देत आपला पाठिंबा जाहीर केला.

थेरगाव येथील एका हॉटेलवर पार पडलेल्या या काँग्रेस प्राधिकार्‍यांच्या बैठकीस मावळ मतदार संघाचे आमदार सुनील शेळके महाविकास आघाडीचे अधिकृत उमेदवार नाना काटे राष्ट्रवादी काँग्रेसचे शहराध्यक्ष अजित गव्हाणे काँग्रेसचे शहराध्यक्ष डॉ. कैलास कदम, जेष्ठ नगरसेवक भाऊसाहेब भोईर, माजी उपमहापौर प्रभाकर वाघेरे, माजी महापौर कविचंद भाट, प्रदेश काँग्रेस कमिटीचे सचिव गौतम आरकडे, प्रदेश महिला काँग्रेसचे सरचिटणीस शोभा पगारे आदी व इतरही प्रमुख पदाधिकारी उपस्थित होते.

याप्रसंगी चिंचवड मतदार संघाच्या वेगवेगळ्या भागातील कार्यकर्ते सर्व एकत्र येऊन काँग्रेस पक्षाच्या माध्यमातून, जनसामान्यांना महाविकास आघाडीचे उमेदवारास मतदान करण्यासाठी आवाहन करून, भेटीगाठी करून, निश्चितपणे विजय मिळवणार आहोत अशा भावना या ठिकाणी व्यक्त केल्या.
याप्रसंगी बोलताना ज्येष्ठ नगरसेवक भाऊसाहेब भोईर म्हणाले, “काँग्रेस माझा जुना परिवार आहे या बैठकीत मला माझ्या स्वगृही परतल्याचा आनंद होत आहे आगामी काळातील केंद्रातील सरकारने निर्माण केलेली आव्हाने पाहता ही निवडणूक अत्यंत महत्त्वाची आहे भाजप सरकारने जी खोटी आश्वासने दिली त्याच्या विरोधात उत्तर देण्यासाठी या निवडणुकीच्या माध्यमातून काँग्रेस कार्यकर्त्यांनी नागरिकांना अधिकाधिक प्रमाणामध्ये संपर्क करावा”.

काँग्रेसचे शहराध्यक्ष कैलास कदम म्हणाले “महानगरपालिकेच्या तील भ्रष्टाचाराने शहरातील लाखो लोकांची मान शरमेणी खाली जाईल, असे वर्तन भाजपाच्या पदाधिकाऱ्यांकडून भ्रष्टाचाराच्या प्रकरणांमध्ये घडलेली आहे. देशात कामगार चळवळ मोडीत काढण्यासाठी अन्ययकारक, कामगार कायदे करण्यात आले आहेत, शेतकऱ्यांना त्रास दिला जात आहे, मोठ्या प्रमाणामध्ये आदानी सारख्या उद्योजकांचा भरणा करून नागरिकांचे पैशाची लूट केली जात आहे, या सर्वांवर उत्तर देण्यासाठी चिंचवड मतदार संघाच्या माध्यमातून हा उमेदवार विजयी करून दाखवू” असा निश्चय कदम यांनी व्यक्त केला.

आमदार सुनील शेळके म्हणाले केंद्रातील आणि राज्यातील एकंदरीतच नागरिकांची दुरावस्था या भाजप सरकार मुळे झालेली आहे आणि सहानुभूती च्या नावाने मत मागणारे पुण्यामध्ये काय भूमिका घेतली यावरून नागरिकांना भाजपचे टप्पे 50 स्पष्ट होत आहे पुण्यात निश्चितपणे काँग्रेसचा उमेदवार जिंकेल आणि या ठिकाणी निश्चितपणे राष्ट्रवादी काँग्रेसचा उमेदवार हा महाविकास आघाडीचे माध्यमातून जिंकेल आणि नुकतेच विधानपरिषद निवडणुकांचे माध्यमातून झालेले परिवर्तन या निवडणुकांमध्ये देखील यशस्वीपणे होईल, असा विश्वास त्यांनी व्यक्त केला.

महाविकासाकडे जो उमेदवार नाना काटे म्हणाले, “माझ्या कार्याची पावती पिंपळे सौदागर चा विकास देतो आहे, मला राष्ट्रवादी काँग्रेस पक्षाने दिलेली संधी आपल्या सर्वांच्या मदतीने या शहरातील भाजपची व्यवस्था बदलवून टाकण्यासाठी, या निवडणुकीच्या माध्यमातून परिवर्तन घडवण्यासाठी आपण सर्व मायबाप जनतेने मला आशीर्वाद द्यावा, आणि निश्चितपणे विकासाचे एक नवे पर्व हे चिंचवड मतदार संघात मी आपल्या सर्वांचे विश्वासावर घडवून दाखवेन, असे ते म्हणाले.

याप्रसंगी प्रदेश काँग्रेस सचिव दीपक साईसर, माजी नगरसेवक विश्वास गजरमल,शिक्षण मंडळाचे माजी सभापती अभिमन्यू दही तुले, शहर काँग्रेसचे वरिष्ठ उपाध्यक्ष नरेंद्र बनसोडे, महिला काँग्रेस अध्यक्ष सायली नढे, काँग्रेस सेवा दलाचे अध्यक्ष वीरेंद्र गायकवाड, एन एस यु आय चे उपाध्यक्ष उमेश खंदारे, चिंचवड मतदार संघ काँग्रेसचे अध्यक्ष माऊली मलशेट्टी, पिंपरी मतदारसंघ काँग्रेसचे अध्यक्ष विश्वनाथ जगताप, भोसरी मतदारसंघ काँग्रेसचे अध्यक्ष विठ्ठल शिंदे, युवक काँग्रेसचे उपाध्यक्ष सौरभ शिंदे, स्वप्निल बनसोडे, रवी नांगरे, निखिल भोईर, सचिन कोंढरे, मिलिंद बनसोडे, मागासवर्गीय विभागाचे अध्यक्ष विजय ओव्हाळ, रोजगार विभागाचे अध्यक्ष विशाल सरवदे, ग्राहक संरक्षण विभागाचे अध्यक्ष झेवियर एंथनी, इस्माईल संगम, जुबेर खान, डॉ. मनीषा ताई गरुड, प्रियंका मलशेट्टी, निर्मलाताई खैरे, भारतीताई घाग, नंदाताई तुळसे, महानंदा कसबे, संदीप शिंदे, श्याम भोसले, राजू ठोकळे, अबूबकर लांडगे, तानाजी काटे, पांडुरंग जगताप, बाबा बनसोडे, गौतम ओव्हाळ, अण्णा कसबे, उमेश बनसोडे, आण्णा पुरंदरे, इरफान शेख, फिरोज शेख आधी पदाधिकारी व बहुसंख्य कार्यकर्ते उपस्थित होते.

रहाटणी पिंपळे सौदागर येथे नाना काटे गेले १५ वर्ष नगरसेवक आहेत. आता आपल्या नानांना आमदार करण्यासाठी संपूर्ण पिंपळे सौदागरने कंबर कसल्याचे दिसून येत आहे.

काल पिंपळे सौदागरचे ग्रामदैवत मुंजोबा महाराज मंदिर पिंपळे सौदागरमधील सर्व ग्रामस्थ, भावकी, नातेवाईक, हितचिंतक, सहकारी, कुटुंबातील सदस्य यांनी स्वयं स्फूर्तीने बैठक घेतली. या बैठकीत सर्वांनी एकमताने नाना काटे आप आपसातील सर्व नाराजी विसरून एकदिलाने नाना काटे यांच्या मागे उभा राहण्याचा निर्धार केला. संपूर्ण गावच एकत्रीत झाल्याने नाना काटेंचे पाहिले पाऊल यशस्वी झाले आहे असे दिसते.

नाना काटे यांच्या रूपात आपल्या हक्काचा माणूस आमदार होणार आहे, या निमीत्ताने पिंपळे सौदागर चे नाव राज्याच्या विधिमंडळात पोहचण्याची संधी आपल्याला मिळाली आहे, असा सूर या बैठकीत उमटलेला दिसून आला. आजवर आपल्या अडीअडचणीत निस्वार्थ वृत्तीने आपल्या पाठीशी उभ्या राहणाऱ्या नेत्यास आमदार करण्यास सर्वांनी पूर्ण ताकदीने निवडणुकीत काम करणार असल्याचे जाहीर केले.

पिंपळे सौदागरवासियांचा पूर्ण चिंचवड मतदारसंघात प्रभाव आहे. नातेवाईक मंडळी मोठ्या प्रमाणात आहे. याठिकाणी मिळालेले एकतर्फी समर्थन हे नाना काटेंना विजयाच्या नजिक घेवुन जाणारे आहे.

राहुल कलाटे हे वाणिज्य शाखेचे पदवीधर आहेत. कलाटे कुटुंबीयांची जंगम मालमत्ता एक कोटी ४० लाख २० हजार ५९३ आहे. कलाटे यांची स्थावर मालमत्ता ६० कोटी तीन लाख ७६ हजार ३१९ रुपये आहे, तर जंगम आणि स्थावर मालमत्ता ६१ कोटी ४३ लाख ९६ हजार ९१२ रुपयांची आहे. कलाटे यांच्यावर एक कोटी दहा लाख सात हजार २४८ रुपयांचे कर्ज आहे. कलाटे यांनी स्वत:चा शेती उत्पन्न आणि व्यापार हा उत्पन्नाचा स्त्रोत दाखविला असून त्यांची पत्नी गृहिणी आहे.

कलाटे यांच्याकडे पुणे जिल्ह्यातील खेड, मुळशी तालुक्यांत शेतजमिनी आहेत, तर रहाटणी, वाकड येथे सदनिका आहेत. कलाटे यांच्याकडे ९२ हजार ६४० रुपये, तर त्यांच्या पत्नीकडे ५३ हजार ७५० रुपये रोख रक्कम आहे. कलाटे यांच्याकडे १५ तोळे सोने, तर त्यांच्या पत्नीकडे ५२ तोळे दोन, दोन किलो चांदी आहे. कलाटे यांच्यावर पिंपरी पोलीस ठाण्यात गुन्हा दाखल आहे. कलाटे यांनी सन २०२२-२३ या आर्थिक वर्षात ५६ लाख ७३ हजार ९४०, तर त्यांच्या पत्नीचे पाच लाख ६६ हजार ३३० रुपये उत्पन्न दाखविले आहे.

अश्विनी जगताप यांच्याकडे २१८ तोळे सोनं, १४२८ तोळे चांदी, औंध येथे व्यापार संकुल, केसे (ता. कराड) येथे शेतजमीन, आहे. आमदार लक्ष्मण जगताप यांच्या नावे मरकळ, कोयाळी , पिंपळे गुरव येथे शेतजमीन आहे.बालेवाडीत एक निवासी इमारत देखील आहे. १६ कोटी ८२ लाख रुपयांचे जंगम मालमत्ता, ६ कोटी २१ लाखाची स्थावर मालमत्ता, ६ कोटी ६१ लाखाचे कर्ज, ६६ लाख रुपये वार्षीक उत्पन्न असा तपशील आहे. त्यांचे दिवंगत पती आमदार लक्ष्मण यांचे वार्षिक उत्पन्न ६४ लाख आणि दत्तक मुलगा आदित्य याचे ३७ लाख दाखवले आहे.

नाना काटे यांच्याकडे ३५ तोळे सोनं, ४ कोटी ५२ लाखाची जंग मालमत्ता, १५ कोटी २९ लाखाची स्थावर मालमत्ता, एक कोटी ९० लाखाची देणेदारी आणि वर्षाकाठी १४ लाख ९७ हजार उत्पन्न आहे. पिंपळे सौदागर, रहाटणी येथे घर आणि कान्हूर मसाई, मुखई, रहाटणी येथे शेती आहे

राष्ट्रवादी काँग्रेसने उमेदवारी जाहीर करण्याआधीच नाना काटे यांनी नामनिर्देश पत्र विकत घेतलं आहे. विरोधीपक्ष नेते अजित पवारांनी अद्याप चिंचवड विधानसभेतील इच्छुकांच्या मुलाखती घेण्याआधीच राष्ट्रवादीकडून नाना काटे यांनी अर्ज विकत घेतल्याने वेगवेगळ्या चर्चांना उधाण आलेलं आहे. नाना काटे यांनी 2014मध्ये चिंचवड विधानसभेची निवडणूक लढवली होती. त्यावेळी त्यांना 42 हजार 553 मतं घेऊन तिसऱ्या क्रमांकावर समाधान मानावे लागले होते. महापालिकेत विरोधीपक्षनेते तसेच शहर राष्ट्रवादी काँग्रेसचे अध्यक्ष म्हणून काटे यांचे कार्य सर्वश्रुत आहे.

चिंचवड विधानसभा पोटनिवडणूक राष्ट्रवादी काँग्रेस लढणार आहे. पिंपरी-चिंचवड राष्ट्रवादी काँग्रेसने एकमुखाने हा निर्णय घेतला होता. शरद पवार, जयंत पाटील आणि अजित पवार यांच्यासमोर प्रस्ताव मांडण्यात आला होता. चिंचवड शहरातील काही नावांची जोरदार चर्चा सुरू होती. त्यात नाना काटे यांचंदेखील नाव होतं. मात्र राष्ट्रवादीची पोटनिवडणुकीबाबत कोणतीही भूमिका स्पष्ट करण्याआधीच नाना काटे अर्ज विकत घेतला आहे.

राज्य विधानसभेेचे विरोधीनेते अजित पवार यांनी उमेदवारीबाबत वरिष्ठ नेते निर्णय घेतील असे आज दुपारी इच्छुकांच्या मुलाखती नंतर माध्यमांशी बोलताना स्पष्ट केले. दुसरीकडे कलाटे यांनी शिवसेनेकडून आणि काटे यांनी राष्ट्रवादीकडून आपल्याला उमेदवारी मिळणारच असे समजून प्रचार सुरु केल्याने भाजमध्येही अस्वस्थता पसरली आहे. कलाटे आणि काटे हे दोन्ही अत्यंत तगडे उमेदवार समजले जातात, मात्र ते स्वतंत्रपणे लढले तर त्याचा भाजपला फायदा होणार आहे.