मुंबई, दि. २३ (पीसीबी) – आगामी २०१९च्या निवडणुकीत राज्यात आणि केंद्रात सत्ता परिवर्तन अटळ आहे. आता ज्यांच्या हातात सत्ता आहे. त्यांच्या हातून सत्ता निसटून जाईल. त्याचबरोबर २०१९ मध्ये कोणत्याही एका पक्षाला बहुमत मिळणार नाही, असे भाकीत राष्ट्रवादी काँग्रेसचे अध्यक्ष शरद पवार यांनी वर्तवले आहे. तसेच आपण कधीही पंतप्रधान नरेंद्र मोदी यांना समर्थन देणार नाही, असेही पवार यांनी स्पष्ट केले आहे.