नवी दिल्ली, दि. १३ (पीसीबी) – पंतप्रधान नरेंद्र मोदी यांनी देशात ‘एक देश, एक निवडणूक’ संकल्पना राबविण्याचा विचार वेळोवेळी बोलून दाखविला आहे. मोदी यांनी नेहमीच याचे समर्थन केले आहे. आता या संकल्पनेची अंमलबजावणी करण्यासाठी सरकार तयारीत असल्याचे संकेत मिळत आहे. त्यानुसार २०१९ मध्ये होणाऱ्या लोकसभा निवडणुकीसोबत महाराष्ट्रासह ११ राज्यांच्या विधानसभा निवडणुका एकत्र होण्याची शक्यता खात्रीशीर सूत्रांकडून वर्तवली जात आहे.
