मुंबई, दि. १२ (पीसीबी) – २०१४ ला समीकरणे जुळवण्याचा प्रयत्न सुरु होता, २०१९ ला काही वेगळी समीकरणे जुळतील का? असा प्रश्न आव्हाडांना विचारला असता ‘हवेची दिशा सांगता येते पण राजकारणाची सांगता येणार नाही, मी ज्योतिषी नाही’ असे सूचक वक्तव्य आव्हाडांनी केले. शिवाय, शिवसेना पक्षप्रमुख उद्धव ठाकरे यांची घेतलेली भेट वैयक्तिक होती, असे स्पष्टीकरण राष्ट्रवादीचे आमदार जितेंद्र आव्हाड यांनी दिले आहे.
