पुणे, दि. १२ (पीसीबी) – महात्मा गांधी यांच्या पुण्यतिथी दिवशीच अलिगड येथील हिंदू महासभेच्या कार्यकर्त्यांनी महात्मा गांधी यांच्या प्रतिमेवर प्रतिकात्मक गोळ्या झाडून तो व्हिडीओ सोशल मिडियावर व्हायरल केला होता. या घटनेच्या निषेध व्यक्त करत पुणे शहर जिल्हा काँग्रेस कमिटीचे सोशल मिडीयाचे प्रमुख चैतन्य पुरंदरे यांनी आपल्या फेसबुक पेजवर एक पोस्ट टाकली होती. या पोस्टवर नीती गोखले नामक महिलेने कमेंट करत गांधी कुटूंबियांना थेट मारण्याचीच धमकी दिली आहे.