सातारा, दि.५ (पीसीबी) – बुधवारी साताऱ्यातील एका गावात कार्यकर्त्याच्या लग्नात माजी खासदार उदयनराजे भोसले आणि माजी आमदार शशिकांत शिंदे यांची भेट झाली होती. त्यानंतर त्यांना अश्रू अनावर झाले अशा बातम्या आल्या होत्या. यावर आता शशिकांत शिंदे यांनी स्पष्टीकरण दिले आहे. ही भेट म्हणजे चुकून झालेली भेट होती. अश्रू अनावर झाल्याच्या बातम्या निराधार आहेत. उदयनराजे भोसले आणि माझा मार्ग वेगळा आहे. कार्यकर्ते आणि लोकांनी गैरसमज करून घेऊ नये, असे शिदें यांनी सांगितले आहे. यासंदर्भात त्यांनी एक ट्विट केले आहे.
प्रसारमाध्यमांच्या आलेल्या बातम्यांमध्ये तथ्य नाही, आदरणीय शरद पवार व अजितदादा यांच्या मार्गदर्शनाखाली @NCPspeaks चे राज्यात व साताऱ्यात काम करत आहे. उदयनराजे आणि माझी भेट लग्नकार्यात चुकून झालेली. त्यांचे आणि माझे मार्ग वेगळे आहेत. pic.twitter.com/0v7jEDxbU8
— Shashikant Shinde (@shindespeaks) December 4, 2019