चंदीगड, दि. ४ (पीसीबी)- पंजाबच्या फाजिल्का जिल्ह्यातील एका सरकारी कन्या शाळेतील शौचालयात सापडलेल्या सॅनिटरी पॅडच्या चौकशीसाठी शिक्षिकांनी काही विद्यार्थिनींचे कपडे उतरवले. या घटनेचा व्हिडिओ व्हायरल झाल्यानंतर संताप व्यक्त होत आहे.
व्हायरल झालेल्या व्हिडिओमध्ये काही मुली रडताना दिसत आहेत. तसेच तीन दिवसांपूर्वी कुंडल गावातील शाळेतील शिक्षकांनी त्यांनी केल्याची तक्रार त्या करत आहेत. मुख्यमंत्री कॅप्टन अमरिंदर सिंग यांनी या घटनेची गंभीर दखल घेतली आहे. दोन शिक्षिकांच्या बदल्या केल्या आणि या प्रकरणाची चौकशी करण्याचे आदेश दिले आहेत.
शाळेतील शौचालयात सॅनिटरी पॅड सापडल्यानंतर त्याच्या चौकशीसाठी शिक्षिकांनी मुलींची झडती घेतली. पण सॅनिटरी पॅडची विल्हेवाट कशी लावायची हे शिक्षिकांनी विद्यार्थिनींना सांगायला हवे होते, असे एका अधिकाऱ्याने सांगितले. या प्रकरणाची चौकशी करून आवश्यक कारवाई करण्याचे आदेश मुख्यमंत्र्यांनी शिक्षण सचिवांना दिले आहेत.
