मुंबई, दि. ८ (पीसीबी) – राष्ट्रवादी काँग्रेसच्या विद्यमान चार खासदारांपैकी बारामतीच्या खासदार सुप्रिया सुळे वगळता अन्य तिघां खासदारांना पुन्हा संधी देण्यास स्थानिक नेते, पदाधिकाऱ्यांनी विरोध केला आहे. कोल्हापूरचे खासदार धनंजय महाडिक, माढ्याचे खासदार विजयसिंह मोहिते पाटील आणि साताऱ्याचे खासदार उद्यनराजे भोसले यांनी पुन्हा उमेदवारी देण्यात येऊ नये, असे स्थानिक नेत्यांनी पक्षाच्या बैठकीत पक्षाध्यक्ष शरद पवार यांना सांगितले.
