जयपूर, दि. ११ (पीसीबी) – राजस्थानातील २००८ च्या विधानसभा निवडणुकीत केवळ एका मताने पराभूत झालेले काँग्रेसचे ज्येष्ठ नेते सीपी जोशी यावेळी आमदारपदी निवडून आले आहेत. राजस्थानातील नाथद्वारा मतदारसंघातून सीपी जोशी रिंगणात होते. त्यांनी १० हजार ४३९ च्या मताधिक्याने भाजपचे उमेदवार महेश प्रताप सिंह यांचा पराभव केला. जोशी यांनी राजस्थानातील भिलवाडा मतदारसंघातून खासदारकी भूषवली आहे. तर यापूर्वी ४ वेळा ते आमदार राहिले आहेत.
