मुंबई, दि.३० (पीसीबी) : देशात पुन्हा एकदा कोरोनाच सावट पसरत आहे. राज्यातील सर्व नागरिकांनी लवकरात लवकर कोरोनाची लस घ्यावी,.कोरोनाची स्थिती पूर्ण नियंत्रणात यावी यासाठी राज्य सरकार सर्वतोपरी प्रयत्न करत आहे. कोरोनाच्या ओमिक्रोन व्हेरियंन्ट पासून बचाव करण्यासाठी राज्यसरकारने नवीन नियमावली जाहीर केली असून नागरिकांना सतर्क राहायला सांगण्यात आले आहे.
राज्यसरकारच्या नवीन नियमावलीनुसार लसीकरण न केलेल्या प्रवाशांना 500 रुपये दंड करण्यात येणार आहे तर विना लसीकरण प्रवास करत असल्यास वाहक किंवा चालक यांना 500 रुपये दंड करण्यात येणार आहे. तर खाजगी वाहक कंपनी मालकाकडून 10 हजार रुपयांचा दंड आकारला जाणार आहे. राज्यातील दुकानदार, मॉल्स आणि खाजगी वाहतूक यांनी जर नियमांचा भंग केल्यास 10 हजार रुपयांचा दंड आकारण्यात येणार आहे. याबरोबरच सार्वजनिक कार्यक्रमांच्या ठिकाणी नियमांचं उल्लंघन केल्यास 50 हजार रुपयांचा दंड ठोठावण्याचा निर्णय घेण्यात आला आहे.
राज्य सरकारने जाहीर केलेल्या नवीन नियमावलीनुसार….
– नेहमी योग्य पद्धतीने मास्क परिधान करा. नाक व तोंड नेहमी मास्कने झाकलेले असले पाहिजे. (रुमालाला, मास्क समजले जाणार नाही आणि रूमाल वापरणारी व्यक्ती, दंडास पात्र असेल).
– जेथे जेथे शक्य असेल तेथे नेहमी सामाजिक अंतर (6 फूट अंतर) राखा.
– साबणाने किंवा सॅनिटायझरने वारंवार व स्वच्छपणे हात स्वच्छ धुवा.
– साबणाने हात न धुता किंवा सॅनिटायझर न वापरता, नाक, डोळे, तोंड यांना स्पर्श करणे टाळा.
– योग्य श्वसन स्वच्छता (आरोग्य) राखा.
– पृष्ठभाग नियमितपणे आणि वारंवार स्वच्छ व निर्जंतुक करा.
– खोकताना किंवा शिंकताना, टिश्यू पेपरचा वापर करून तॉड व नाक झाका आणि वापरलेले पेपर नष्ट करा: जर एखाद्याकडे टिश्यू पेपर नसेल तर त्याने स्वतःचा हात नव्हे तर, हाताचा वाकवलेला कोपर नाका तोडांवर ठेवून खोकावे व शिंकावे.
– सार्वजनिक ठिकाणी थुंकू नका.
– सार्वजनिक ठिकाणी गर्दी टाळा आणि सुरक्षित अंतर (6 फूट अंतर) राखा.
– कोणालाही शारीरिक स्पर्श न करता, नमस्कार/अभिवादन करा.
– कोविड-19 विषाणूचा प्रसार टाळण्यासाठी आवश्यक असलेले अन्य कोणतेही तर्कसंगत वर्तन.
संपूर्ण लसीकरण झालेली व्यक्ती याचा अर्थ….
– लसीच्या दोन्हीही मात्रा (डोस) घेतलेल्या आहेत आणि दुसरी मात्रा (डोस) घेतल्यानंतर 14 दिवस झालेले आहेत अशी कोणतीही व्यक्ती.
– ज्या व्यक्तीचे वैद्यकीय स्थिती अशी आहे की, ज्यामुळे त्याला किंवा तिला लस घेण्यास मुभा नाही आणि त्या व्यक्तीकडे तशा अर्थाचे मान्यताप्राप्त डॉक्टराकडील प्रमाणपत्र आहे अशी कोणतीही व्यक्ती.
– 18 वर्षापेक्षा कमी वयाची व्यक्ती.
