सातारा, दि. १० (पीसीबी) – साताऱ्यातील दहिवडी पोलिस ठाण्याचा फौजदार सतीश राजाराम दबडे (वय ५५) याने १३ हजार रुपयांची लाच मागितल्यानंतर आज (शुक्रवार) त्याला रंगेहात पकडण्यासाठी सातारा लाच लुचपत प्रतिबंधक विभागाच्या पथकाने ट्रॅप लावला होता. यावेळी ट्रॅपमध्ये आपण अडकणार हे लक्षात येताच फौजदार दबडे याने लाचलूचपत विभागाच्या दोन पोलिसांना कारने उडवून पसार झाला. या थरारक घटनेमुळे साताऱ्यासह महाराष्ट्र पोलिस दलात खळबळ उडाली आहे.