संत तुकाराम महाराजांच्या पालखीचे देहूतून प्रस्थान 

300

देहू, दि. २४ (पीसीबी) – तुकोबा, तुकोबा… असा अखंड जय घोष, टाळ- मृदंगाचा गजर… महिला वारकऱ्यांनी धरलेला फुगडीचे फेर… ज्ञानबा तुकोबाचा निनादणारा घोष…, भगवी पदका खांद्यावर घेऊन पालखी सोहळ्यात सहभागी झालेल्या लाखो वैष्णवांच्या भक्तिकल्लोळात जगद्गुरू संत तुकाराममहाराजांच्या ३३४ व्या पालखी सोहळ्याचे आज (सोमवारी) पंढरपूरकडे प्रस्थान ठेवले.  हा सोहळा  ‘याची देही, याची डोळा’ अनुभवण्यासाठी  देहूनगरी लाखोंच्या संख्येने गजबजून गेली.