शिर्डी, दि. १९ (पीसीबी) – मला माहितंय महाराष्ट्रात पाऊस कमी पडला आहे. मात्र, शेतकऱ्यांच्या मदतीसाठी महाराष्ट्र सरकारच्या खांद्याला खांदा लावून केंद्र सरकार उभे राहील, असे म्हणत पंतप्रधान नरेंद्र मोदी यांनी राज्यातील शेतकऱ्यांना दिलासा दिला आहे. शिर्डीत घरकुल योजनेच्या लाभार्थ्यांना घराच्या चाव्या वाटण्यात आल्या. त्या कार्यक्रमात पंतप्रधान नरेंद्र मोदींनी उपस्थितांशी संवाद साधला.