पिंपरी, दि. १९ (पीसीबी) – भाजप-शिवसेना युतीत पालघर लोकसभा मतदारसंघ शिवसेनेला सोडण्यात आला आहे. तसेच शिवसेनेला आणखी एखादा मतदारसंघ देण्याची भाजपची तयारी आहे. आमदार लक्ष्मण जगताप यांची पिंपरी-चिंचवडमध्ये असणारी राजकीय ताकद पाहता मावळ लोकसभा मतदारसंघ जगताप यांच्यासाठी सोडण्याचा शिवसेनेकडे आग्रह धरण्यात आला आहे. त्याबाबत दोन्ही पक्षात बोलणी सुरू असल्याचे सांगत मुख्यमंत्री देवेंद्र फडणवीस यांनी मावळ मतदारसंघ भाजपकडे घेण्याचे संकेत दिले आहेत.
