मुंबई, दि. ५ (पीसीबी) – अल्टिमेटम हा शब्द आमच्या डिक्शनरीत नाही. आम्हाला कोणी अल्टिमेटम देऊ शकत नाही, असे शिवसेनेचे नेते व खासदार संजय राऊत यांनी म्हटले आहे. शिवसेनेशी युती करण्यासाठी भाजप आग्रही आहे. मात्र, शिवसेनेने भाजपला युतीसाठी अद्यापही सकारात्मक प्रतिसाद दिलेला नाही. त्यामुळे भाजपने शिवसेनेला युतीबाबत अल्टिमेटम दिल्याचे सांगितले जात आहे. यावर राऊत यांनी भाजपला टोला लगावला आहे.