मुंबई, दि. २० (पीसीबी) – शिवसेनेने अग्रलेख लिहिणे बंद करावे आणि सत्तेतून बाहेर पडावे, असा खोचक सल्ला एमआयएमचे असदुद्दीन ओवेसी यांनी शिवसेनेला दिला आहे. शिवसेना पंतप्रधान नरेंद्र मोदी यांना घाबरते आणि आपली भीती लपवण्यासाठी त्यांनी संपादकीय लिहिण्याचा हा नवा मार्ग शोधून काढला आहे, असा टोला असदुद्दीन ओवेसी यांनी शिवसेनेला लगावला आहे.
माझे पूर्वज भारतीय होते, हे मी सिद्ध करु शकतो, असेही त्यांनी म्हटले आहे. ‘शिवसेना पंतप्रधान नरेंद्र मोदी यांना घाबरते आणि आपली भीती लपवण्यासाठी त्यांनी फक्त संपादकीय लिहिण्याची ही नवी निती अवलंबली आहे. माझी त्यांना विनंती आहे की त्यांनी संपादकीय लिहिणे बंद करावे आणि मोदी, फडणवीस सरकारमधून बाहेर पडावे’, असे असदुद्दीन ओवेसी यांनी म्हटले आहे.
