मुंबई, दि. १ (पीसीबी) – शिवसेनेने लोकसभा आणि विधानसभा निवडणुकीत राज्यामध्ये एक नंबरचा पक्ष बनण्यासाठी राजकीय हालचालींना वेग दिला आहे. पक्षप्रमुख उद्धव ठाकरे यांनी शिवसेनेच्या विद्यमान आमदारांवर मोठी जबाबदारी देण्याचा निर्णय घेतल्याचे समजते. शिवसेनेच्या प्रत्येक आमदारांवर आगामी विधानसभा निवडणुकीत त्यांच्या मतदारसंघाच्या शेजारच्या दोन विधानसभा मतदारसंघांमधून आमदार निवडून आणण्याची जबाबदारी सोपविण्यात येणार आहे.