पिंपरी, दि. ८ (पीसीबी) – खासदार शिवाजीराव आढळराव पाटील आणि खासदार श्रीरंग बारणे हे दोघेही आपल्याच पक्षाचे असूनही त्यांच्यात तीव्र मतभेद आहेत. दोघेही पक्षासाठी एकदिलाने काम करत नाहीत. त्याची किंमत शिवसैनिकांना मोजावी लागत आहे. पिंपरी विधानसभेचे आमदार अॅड. गौतम चाबुकस्वार हे शिवसेनेचे असून नसल्यासारखेच आहेत. शहरातील एकमेव आमदारांनी शिवसैनिकांना सोबत घेऊन काम करणे अपेक्षित आहे. परंतु, आपल्या पक्षाच्या आमदारांनी गेल्या साडेचार वर्षांत पक्षासाठी कोणतेच काम केले नसल्याची खंत पिंपरी-चिंचवडमधील शिवसैनिकांनी शिवसेनेचे नेते व खासदार संजय राऊत यांच्यापुढे मांडली आहे.
