मुंबई, दि. २२ (पीसीबी) – शाओमी सध्या जगातला कन्झ्युमर इलेक्ट्रॉनिक्स क्षेत्रातला अव्वल क्रमांकाचा ब्रँड झाला आहे. शाओमीने वॉशिंग मशीन, स्मार्ट टीव्हीसारखील अनेक उत्पादने बाजारात आणली आहेत. आता एक डबल साइड डिस्प्ले असणारा टीव्ही लॉंच करण्याच्या तयारीत शाओमी आहे. हा टीव्ही २३ एप्रिलला चीनमध्ये लाँच होणार आहे.
Xiaomi च्या टीव्ही विभागाचे महाव्यवस्थापक वेबो यांनी सांगितले की या महिन्यात कंपनी काही नवी उत्पादने आणत आहे. शाओमीच्या टीव्ही विभागाने यापूर्वी एक टिझर पोस्टर लाँच केले होते. यात २३ एप्रिल रोजी २०१९ च्या स्मार्ट टीव्ही लाइनअपचे पेइचिंगमध्ये लाँचिंग होईल, अशी माहिती होती.
या प्रमोशनल टीझरमध्ये ‘डबल साइडेड आर्ट’ची देखील घोषणा करण्यात आली आहे. यामुळेच शाओमीच्या ड्युअल-स्क्रीन टीव्ही येण्याची शक्यता वर्तवली जात आहे.
