बीड,दि. २ (पीसीबी) – राष्ट्रवादी काँग्रेसचे अध्यक्ष शरद पवार यांनी आधी त्यांच्या पक्षातील कुरघोडी बंद करावी. पक्ष एकजुट एकसंध कसा राहिल हे बघावे, त्यानंतर त्यांनी आम्हाला टक्कर द्यावी, असा टोला राज्याच्या ग्रामविकास मंत्री पंकजा मुंडे यांनी पवारांना लगावला. गोपीनाथ मुंडे यांच्या मुलीला शह देण्यासाठी खुद्द पवारांना येथे यावे लागले, हेच आमचे यश आहे. ज्या पक्षातील नेत्यांमध्ये एकी नाही, ते आम्हाला काय टक्कर देणार? असाही सवाल पंकजा यांनी यावेळी उपस्थित केला.