केरळ, दि. ४ (पीसीबी) – दोन महिलांनी बुधवारी शबरीमला मंदिरात प्रवेश केल्याने गुरूवारी केरळमध्ये हिंदुत्ववादी संघटनांनी बंदची हाक दिली होती. या बंदला गुरुवारी हिंसक वळण लागले. शबरीमला कर्म समिती आणि आंतरराष्ट्रीय हिंदू परिषदेने या बंदची हाक दिली होती. गुरूवारच्या हिंसाचारात अनेक सरकारी बसगाड्यांचे नुकसान करण्यात आले. बंददरम्यान वाहनांची आणि दुकानांची मोडतोड करण्यात आली असून काही ठिकाणी माकपच्या कार्यालयांवर आणि पोलीस ठाण्यांवर हल्ले करण्यात आले. या हिंसाचारप्रकरणी केरळमध्ये एकूण ७४५ जणांना अटक करण्यात आली.