नवी दिल्ली, दि. १९ (पीसीबी) – पंतप्रधान नरेंद्र मोदी यांना वाराणसी लोकसभा मतदारसंघातून काँग्रेसच्या राष्ट्रीय सरचिटणीस प्रियांका गांधी आव्हान देणार की नाही, या प्रश्नाचे उत्तर काँग्रेस अध्यक्ष राहुल गांधी यांनी गुलदस्त्यातच ठेवले आहे. ‘प्रियांका गांधी या मोदींविरुद्ध लढतील की नाही याचा अंदाज तुम्हीच लावा. तुमचे अंदाज नेहमीच चुकत नसतात’, असे राहुल गांधी यांनी ‘द हिंदू’ वर्तमानपत्राला दिलेल्या मुलाखतीत म्हटले आहे. प्रियांका लढणार की नाही, याचे तुम्ही खंडन करीत नाहीत, असे विचारले असता, ‘या प्रश्नाला आपण दुजोरा देत नाही किंवा त्याचे खंडनही करीत नाही’, असे राहुल गांधी यांनी म्हटले आहे.
