मुंबई, दि. १० (पीसीबी) – राज्यातील ६ नगरपरिषद/नगरपंचायतींच्या सार्वत्रिक निवडणुकीचा आज (सोमवार) निकाल लागला आहे. भाजपने २ नगरपंचायतीसह १ नगरपरिषदेवर सत्ता मिळवली आहे. नांदेडची लोहा नगरपरिषद, जळगावची शेंदुर्णी नगरपंचायत आणि नागपूरची मौदा नगरपंचायतीवर भाजपचे कमळ फुलले आहे. तर वाशिमच्या रिसोड नगरपरिषदेवर जनविकास आघाडीचा झेंडा फडकला आहे. चंद्रपूरच्या ब्रह्मपुरी नगरपरिषदेवर काँग्रेसची एकहाती सत्ता आली आहे. त्याचबरोबर यवतमाळच्या नेर नगरपरिषदेवर शिवसेनेचा भगवा फडकला आहे.