नवी दिल्ली, दि. ३१ (पीसीबी) – लोकसभा आणि विधानसभांच्या निवडणुका एकत्र घेण्यावर विधी आयोगाने सैद्धांतिक सहमती दर्शवली आहे. एकत्र निवडणुका हा निर्णय देशहिताचा असल्याचे आयोगाने म्हटले आहे. देश सातत्याने ‘निवडणूक मोड’मध्ये जाण्यापासून वाचण्याचा हा एक चांगला उपाय असल्याचे आयोगाने आपल्या अहवालात म्हटले आहे. एकत्रित निवडणूक घेण्यासाठी संविधान आणि निवडणूक संबंधित कायद्यात बदलाची शिफारसही आयोगाने केली आहे.