मुंबई, दि. २१ (पीसीबी) – सध्या काँग्रेसमध्ये संजय निरुपम यांना मुंबई काँग्रेसच्या अध्यक्षपदावरून हटवण्याच्या मागणीने जोर धरला आहे. निरुपम यांच्याऐवजी माजी खासदार मिलिंद देवरा यांना मुंबईचे अध्यक्ष करण्याच्या मागणीने जोर धरलेला असतानाच देवरा यांनीही काँग्रेस अध्यक्ष राहुल गांधी यांनी आदेश दिला तर मुंबई काँग्रेसच्या अध्यक्षपदाची जबाबदारी सांभाळण्यास तयार असल्याचे संकेत दिले आहेत. त्यामुळे मुंबई काँग्रेसच्या अध्यक्षपदी निरुपम राहतात की जातात? याकडे जाणकारांचे लक्ष लागले आहे.