नवी दिल्ली, दि. १० (पीसीबी) – राष्ट्रीय स्वयंसेवक संघाचे लोक हिंदू नाहीत, कारण ते वेद मानत नाहीत. जी माणसं हिंदू धर्मातील वेद अमान्य करतात ती हिंदू कशी काय? असा प्रश्न उपस्थित करत धर्मगुरू शंकराचार्य स्वामी स्वरूपानंद यांनी राष्ट्रीय स्वयंसेवक संघावर निशाणा साधला आहे. राष्ट्रीय स्वयंसेवक संघाचा एक ग्रंथ आहे. जो गुरुजी गोळवलकर यांनी लिहिला आहे. ज्यामध्ये ते म्हणतात की हिंदू एकतेचा आधार हा वेद असू शकत नाही. जर आपण वेद हा हिंदू एकतेचा आधार मानला तर बौद्ध आणि जैन हे आपल्यापासून वेगळे होतील तेदेखील हिंदू आहेत. संघाचे लोक वेद मानत नाहीत त्यामुळे ते हिंदू नाहीत असा खळबळजनक आरोप शंकराचार्य स्वरूपानंद यांनी केला आहे.
