मुंबई, दि. १९ (पीसीबी) – २०१४ च्या लोकसभा निवडणुकीत पुन्हा निवडून आलेल्या १५३ खासदारांच्या संपत्तीत १४२ टक्क्यांची वाढ झाली आहे. या खासदारांच्या यादीत राष्ट्रवादी काँग्रेसच्या खासदार सुप्रिया सुळे तिसऱ्या क्रमांकावर आहेत. भाजपचे खासदार शत्रुघ्न सिन्हा पहिल्या, तर बिजू जनता दलाच्या पिनाकी मिश्रा या दुसऱ्या क्रमांकावर आहेत. इलेक्शन वॉच आणि असोसिएशन ऑफ डेमोक्रॅटिक रिफॉर्म्स (एडीआर) या संस्थेच्या पाहणीनुसार २००९ ते २०१४ या गेल्या पाच वर्षांमध्ये १५३ खासदारांच्या संपत्तीत सरासरी ७ कोटी ८१ लाखांची वाढ झाली आहे. यात शत्रुघ्न सिन्हा यांची संपत्ती सर्वात जलद गतीने वाढल्याचे स्पष्ट झाले आहे.
