मुंबई, दि. १६ (पीसीबी) – राष्ट्रवादी काँग्रेसचे माजी प्रदेशाध्यक्ष सुनील तटकरे आणि त्यांचे बंधू अनिल तटकरे यांच्यातील वाद पुन्हा चव्हाट्यावर येण्याची शक्यता आहे. नाराज असलेले अनिल तटकरे यांनी मातोश्रीवर शिवसेनेचे पक्षप्रमुख उद्धव ठाकरे यांची भेट घेतली. त्यांच्यासमवेत सुनिल तटकरे यांचे पुत्र राष्ट्रवादीचे आमदार अवधूत तटकरे हेही उपस्थित होते. त्यामुळे राजकीय वर्तुळात तर्कवितर्कांना उधाण आले आहे.