चिंचवड, दि. २१ (पीसीबी) – केंद्र सरकारने राफेल विमान खरेदीचा करार करताना ४० हजार कोटींचा भ्रष्टाचार केला आहे. हा जागतिक स्तरावरील सर्वात मोठा आर्थिक घोटाळा आहे. त्याचबरोबर राज्यातील फडणवीस सरकार जुमलेबाज आहे. त्यामुळे महाराष्ट्राचा विकासदर घसरला आहे, असा आरोप काँग्रेसचे माजी मुख्यमंत्री पृथ्वीराज चव्हाण यांनी केला.
पिंपरी- चिंचवड शहर आणि पुणे शहर काँग्रेसच्या वतीने आज (रविवारी) तळवडे (निघोजे) येथे सर्व सेलचे पदाधिकारी व प्रमुख कार्यकर्त्यांसाठी दोन दिवसीय संवाद कार्यकर्ता प्रशिक्षण शिबिराचे आयोजन केले आहे. या शिबिराचे उदघाटन पृथ्वीराज चव्हाण यांच्या हस्ते करण्यात आले. यावेळी चव्हाण बोलत होते.
