मुंबई, दि. २५ (पीसीबी) – राफेलच्या किंमती जाहीर करण्यास कोणताच धोका नाही, असे राष्ट्रवादी काँग्रेसचे अध्यक्ष माजी केंद्रीय मंत्री शरद पवार यांनी म्हटले आहे. बोफोर्स तोफांवेळी काँग्रेसवर आरोप झाल्यानंतर भाजपाने हीच मागणी केली होती. सुषमा स्वराज यांनी कोणत्याही परिस्थितीत बोफोर्स संबंधीची माहिती जाहीर झालीच पाहिजे, अशी आग्रही भूमिका घेतली होती, अशी माहिती पवार यांनी यावेळी दिली.
